İdman

Kaka bu gözəllə evlənir - FOTO

13 Yanvar 2019 13:04

2 Şərh Baxış: 2 289

#TOY #İDMANÇI

Braziliyalı veteran futbolçu Kaka ikinci dəfə ailə həyatı qurur.

Milli.Az fanat.az-a istinadən xəbər verir ki, 36 yaşlı sabiq yarımmüdafiəçi Ana Karolina Dias Ferreyra ilə evlənir.

Kaka və Ana artıq 3 ildir ki, birlikdədir. Onlar artıq münasibətlərini rəsmiləşdirmək qərarına gəliblər.

31 yaşlı Ana Braziliyanın məşhur seriallarının baş rollarını ifa edib. O, həmçinin teleaparıcı kimi də fəaliyyət göstərir.

Kaka ilk dəfə 2005-ci ildə Karoline Keliso ilə evlənib. Həmin vaxt futbolçunun 23, xanımının 19 yaşı olub. Onların 2008-ci ildə Luka Keliso Leyte adlı oğlu, 2013-cü ildə İzabella adlı qızları dünyaya gəlib. Cütlük 2015-ci ildə sürpriz şəkildə boşanıb.

Qeyd edək ki, Kaka karyerasını 2017-ci ildə ABŞın "Orlando Siti" klubunda bitirib. O, həmçinin Braziliyanın "San Paulo", İtaliyanın "Milan" və İspaniyanın "Real" klublarında çıxış edib, milli komandada keçirdiyi 92 oyunda 29 qol vurub.

Milli.Az