İdman

"Arsenal"ın əfsanəsi: "Qarabağ" qrupdan çıxa bilər"

12 Sentyabr 2018 16:34
0 Şərh     Baxış: 2 007
VTB-də minimal faiz dərəcəsi ilə nağd kredit 9.9%-dən
#QARABAĞ #AVROPA LİQASI #FUTBOL #ARSENAL

"Əvvəlcə minnətdaram ki, məni yada saldınız. Azərbaycan təmsilçisinin Böyük Britaniyada meydana çıxmasına görə çox şadam".

Milli.Az xəbər verir ki, bu sözləri futbol11.az-a özəl açıqlamasında "Arsenal"ın əfsanəvi futbolçusu, bir zamanlar "Qəbələ"də baş məşqçi olmuş Toni Adams deyib. İngiltərəli mütəxsis UEFA Avropa Liqasında Azərbaycan təmsilçisi "Qarabağ"ın "Arsenal", "Sportinq" və "Vorskla" ilə qərarlaşdığı qrupu dəyərləndirib. Ölkəmizi sevdiyini deyən mütəxəssis "Qarabağ"ın qrupdan çıxa biləcəyini bildirib: "Mən "Arsenal"ı da, Azərbaycanı da sevirəm. Futbolda möcüzələr olur. Bu, çətin qrupdur. "Qarabağ" qrupdan çıxa bilər. Bu niyə də baş verməsin?"

İngiltərə millisinin sabiq üzvü "Arsenal"ın Bakıda keçirəcəyi matç üçün ölkəmizə gələ bilmək ehtimalının az olduğunu deyib: "Bakıda matça baxacağımı dəqiq bilmirəm. Təəssüf ki, bu, baş verməyə bilər".

Əfsanəvi futbolçu sonda "Qəbələ"dəki günlərini xatırlayıb və Azərbaycan üçün darıxdığını deyib: "Qəbələ"də olduğum günlər gözəl idi. Orada mənim gözəl insanlarla münasibətim var. Təbii ki, ölkəniz üçün darıxmışam. Bir daha minnətdaram".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.