İdman

Mundialda oynamasa da, medalını alacaq

19 İyul 2018 18:54
1 Şərh     Baxış: 2 229
VTB-də minimal faiz dərəcəsi ilə nağd kredit 9.9%-dən
#RUSİYA #FUTBOL #DÇ-2018

Dünya çempionatının qrup mərhələsinin ilk oyunundan sonra Xorvatiya millisinin heyətindən kənarlaşdırılan Nikola Kaliniçə də gümüş medal veriləcək.

Milli.Az qol.az-a istinadən yaydığı xəbərə görə, bu barədə Xorvatiya Futbol Federasiyasının nümayəndəsi Tomislav Paçak məlumat verib. O bildirib ki, federasiya bu qərarı futbolçular və məşqçilərin ixtiyarına buraxıb. Onlar isə hesab edirlər ki, Xorvatiyanın dünya ikincisi olmasında Kaliniçin rolu olmasa da, futbolçu bu medalı almağa layiqdir. Çünki o, xorvatların mundiala vəsiqə qazanmasında yaxından iştirak edib. Hətta Yunanıstanla pley-off mərhələsinin matçında qələbə qolunun müəllifi olub.

Xatırladaq ki, Kaliniç DÇ-2018-in qrup mərhələsinin ilk turunda Nigeriya ilə matçın sonuna 5 dəqiqə qalmış çiynində ağrı olduğunu bəhanə gətirərək, əvəzetmədən meydana çıxmaq istəmədiyi üçün komandadan kənarlaşdırılmışdı. Yığmanın baş məşqçisi Zlatko Daliç isə bunun ilk dəfə baş vermədiyini bildirərək, Kaliniçi evə göndərmişdi.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.