"Messi məni qucaqlayanda xoşbəxt oldum"

Argentinanın baş məşqçisi Xorxe Sampaoli Nigeriyaya 2:1 hesabı ilə qalib gəldikləri oyundan sonra jurnalistlərin suallarını cavablandırıb.

Milli.Az qafqazinfoya istinadən həmin müsahibəni təqdim edir:

- Nigeriya haqqında nə deyə bilərsiniz?
- Çox yaxşı oyunçuları var. Ahmed Musa və başqaları daha artığını edə bilərlər. Hətta dünya çempionatında çox yüksək səviyyədə oynaya bilərlər. Onlar daha çox təcrübəyə malik olsaydı, bir az da güclü Nigeriya görəcəkdik. İlk hissədə onlardan daha yaxşı oynadıq. Topa sahib idik və irəli gedirdik. Penaltidən sonra isə narahat olmağa başladıq. Keçə bilməyəcəyimizi düşündükcə üzərimizdə təzyiq hiss edirdik. Qəlbimizlə oynadıq, sanki üsyan etdik. Çətin iş görmüşük. Lakin bu gələcək üçün yaxşıdır.

- Taktika və psixoloji cəhətdən qazandınızmı?
- Oyunçularımız inanırdılar. Onlar bilirdilər ki, güclü futbolçudurlar. Yalnız bunu meydanda göstərmək lazımdır. Bu gün çox çətin rəqibi məğlub etdik. Onlara qarşı dost kimi oynadıq. "Döyüşmək" üçün gücümüz var idi. Nigeriyaya qarşı oyun dönüş nöqtəsi idi. Dəyişikliklər etmək istəyirik. Oyunçularımız cəsarətli oynadılar. İkinci qolu atmaq möhtəşəm idi.

- Messi özünü necə hiss edir? İlk iki həftədən sonra sanki özünə qapanmışdı...
- Messi məni qucaqlayanda xoşbəxt oldum. Onun çox duyğulandığını bilirdim. Leo bilir ki, hər gün növbəti oyun haqqında düşünürəm və məni yaxşı tanıyır. Onun oyunlarına son vaxtlar çox baxırdım. Rusiyaya gəlmək və burda uğur qazanmağın çox böyük bir şey oduğunu hamımız dərk edirik. Mərkəzdə 3 oyunçu ilə düzgün oynadıq. Messi sağda çıxış etdi. Sonra isə oyunu mərkəzə keçirməyə çalışırdı. Baş məşqçi bilir ki, Messi üçün rahatlıq yaratmaq lazımdır ki, hər kəs onun ətrafında oynasın. Əks-halda dünyanın ən yaxşı oyunçusu var, amma görünməyəcək. Digər oyunçular da istifadə edilməlidir.

- Azarkeşləriniz oyunboyu rəqs etdilər...
- Fanlarımız təşəkkür edirəm. Özümüzü Argentinadakı kimi hiss etdik. Bu bizi irəli daşıyırdı. İnsanlar uzaqdan gəldilər və biz onlara xoşbəxtlik bəxş etdik. Təkcə stadionda deyil oteldə də dəstəyimiz var idi. Mənim yaxşı səsim yoxdur, amma azarkeşlərimizin oxuduğu bütün mahnıları sevirəm.

Milli.Az