İdman

"...həm maraqlı, həm də risklidir" - Pyer Qasli

26 Aprel 2018 14:27
0 Şərh     Baxış: 1 308
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı treki divarlarla əhatələndiyi üçün burada risk etmək ehtimalı iki dəfə və daha çox artır. Bundan başqa uzun düz yol bu trekin maraqlı xüsusiyyətlərindən biridir. Keçən ilki yarış yüksək sürəti ilə yadda qaldı. Bir pilot kimi bu, həm maraqlı, həm də risklidir.

Milli.Az xəbər verir ki, bu sözləri "Toro Rosso" komandasının pilotu Pyer Qasli deyib.

"Keçən il yarışı ehtiyat pilot kimi müşahidə edirdim. Mövsümün ən həyəcanverici yarışlarından birində mübarizə aparacağıma görə çox xoşbəxtəm. Qala Divarları ətrafındakı döngə isə zənnimcə, çempionatın ən dar döngəsidir. Burada həm çoxlu vaxt qazanmaq olar, həm də itirmək.

Dar döngədən keçəndə bolidin baryerdən cəmi bir neçə santimetr aralı olduğunu görürsən. Diqqəti bir araya toplamaq çətinləşir. Digər treklərdən fərqli olaraq, bir az gec dönsən, ot və toz deyil, birbaşa divarla üz-üzə gələcəksən. Bu da məğlubiyyət üçün kifayətdir!

Birinci döngədə əyləci sıxanda yüksək sürəti hiss edirsən. Formula 2 yarışını ikinci yerdə başa vurmuşdum. Sonuncu dövrəyədək qalibiyyət uğrunda mübarizə aparmaq əladır. Yarışa 18-ci yerdə start verməyimə baxmayaraq, onu 2-ci yerdə başa vurdum. Unudulmaz yarış idi!" - Qasli deyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.