İdman

Məşqçiyə beşcə gün dözdülər

29 Dekabr 2015 20:09
0 Şərh     Baxış: 1 048
VTB-də minimal faiz dərəcəsi ilə nağd kredit 9.9%-dən
#TÜRKİYƏ #FUTBOL

Türkiyə Superliqa təmsilçisi "Gənclərbirliyi"ndə növbəti baş məşqçi istefası gerçəkləşib.

Qol.az-ın Türkiyə mətbuatına istinadən verdiyi məlumata görə, komandanın çalışdırıcısı Yılmaz Vural vəzifəsindən kənarlaşdırılıb.

Buna klub prezidenti İlham Cavcavla Y.Vural arasında transfer məsələsindəki anlaşılmazlıq səbəb olub. Tərəflər arasında razılıq əldə olunmadığı üçün klub rəhbərliyi Vuralla yolları ayırmaq qərarına gəlib.

Qeyd edək ki, 5 gün öncə "Gənclərbirliyi" ilə 1,5 illik müqavilə imzalayan Yılmaz Vural Superliqadakı ilk sınağında səfərdə "Eskişehirspor"a 0:2 hesabı ilə uduzub. Oyundan sonra açıqlama verən Yural bunları bildirib: "Aşağı liqaya düşməmək üçün mövsümün ikinci yarısında 9 qələbəyə ehtiyacımız var. Bunun üçün də qışda lazımi transferlər etməliyik". Lakin transfer məsələsində klub rəhbərliyi ilə razılığa gələ bilməyən Vural istefaya göndərilib.

Xatırladaq ki, Yılmaz Vural "Gənclərbirliyi"nin cari mövsüm dördüncü baş məşqçisi olub. Bir müddət öncə klubun prezidenti İlham Cavcav baş məşqçi təyin etdiyi Fuat Çapanı bir neçə saatdan sonra komandadan qovub. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.