Trabzonda sensasiya

Türkiyə Superliqasında XV turun son oyunu baş tutub.

Milli.Az apasport.az-a istinadən xəbər verir ki, ilin son turu sensasiya ilə başa çatıb.
  

Belə ki, autsayderlər qrupunda qərarlaşan "Əskişəhərspor" səfərdə "Trabzonspor"a böyük hesabla qalib gəlib 4:1. Bunadək baş tutan görüşlər isə liderlər qrupunda dəyişikliyə səbəb olmuşdu.
  

I dövrəni ilk pillədə başa vurmaq istəyən "Qalatasaray" səfərdə "Gənclərbirliyi"nin qonağı olub. "Cim-Bom" Hamza Hamzaoğlunun rəhbərliyi altında ilk dəfə xal itkisi ilə üzləşib. Fasiləyə 19-cu dəqiqədə Əmrə Çolakın vurduğu tək qol ilə öndə yollanan "aslanlar" üstünlüyü sona qədər qoruya bilməyiblər. "Sarı-qırmızılılar"ın sabiq hücumçusu Boqdan Stanku 72-ci dəqiqədə "Qalatasaray"ı cəzalandırıb - 1:1.
  

Bu yerə daha bir iddiaçı "Fənərbağça" doğma publika önündə "Mersin İdmanyurdu"nu qəbul edib. "Sarı bülbüllər" 32-ci dəqiqədə Mehmet Topalın yeganə qolu ilə 3 xal qazanaraq, müvəqqəti də olsa, ilk pilləyə yüksəlib.
  

"Beşiktaş" isə səfərdə "Konyaspor"la üz-üzə gəlib. "Qara qartallar" rəqibi 1:2 hesabı ilə məğlub edərək, zirvəni "Fənərbağça"nın əlindən alıb.
  

Türkiyə Superliqası

XV tur

26 dekabr

"Gənclərbirliyi" - "Qalatasaray" - 1:1

Qollar: Stanku, 72 - Əmrə Çolak, 19
 

27 dekabr

"Karabükspor" - "Balıkəsirspor" - 0:1

Qol: Gökhan Ünal, 90+3

"Başakşəhər" - "Ərciyəsspor" - 3:1

Qollar: Epureanu, 17, Madureyra, 73, Perbet, 83 - Edino, 46

"Fənərbağça" - "Mersin İdmanyurdu" - 1:0

Qol: Mehmet Topal, 32
 

28 dekabr

"Qaziantepspor" - "Bursaspor" - 1:2

Qollar: Dəmir, 42 - Fernando, 77, Beluşi, 81

"Kasımpaşa" - "Sivasspor" - 0:0

"Akhisar" - "Rizəspor" - 0:4

Qollar: Kadah, 24; 46. Viera, 33. Holosko, 75

"Konyaspor" - "Beşiktaş" - 1:2

Qollar: Kabze, 85-pen - Töre, 19, Sosa, 58
 

29 dekabr

"Trabzonspor" - "Əskişəhərspor" - 1:4

Qollar: Hurmaçı, 76 - Mori, 32, Oemer, 73, 78, Andac, 90