İdman

"İnter"i turnirdən uzaqlaşdıran komandanın çalışdırıcısı öldü

30 Oktyabr 2014 11:27
0 Şərh     Baxış: 2 106
VTB-də minimal faiz dərəcəsi ilə nağd kredit 9.9%-dən
#İDMAN #SWEDEN

İsveç millisinin sabiq hücumçusu Klas İnqesson 46 yaşında dünyasını dəyişib. Milli.Az apasport.az-a istinadən xəbər verir ki, bu barədə keçmiş futbolçunun 2013-2014 mövsümündə çalışdırdığı "Elfsborq" klubunun rəsmi saytı məlumat yayıb.
 

İnqessonun ölüm səbəbi isə onun 5 ildir ki, əziyyət çəkdiyi xərçəng xəstəliyi olub.

Qeyd edək ki, Klas futbolçu karyerasına 1986-1990 mövsümündə formasını geyindiyi "Höteborq" klubunda başlayıb. O, daha sonra Belçika "Mexelen"i, (1990-1993), Hollandiya PSV-si (1993-1994), İngiltərə "Şeffild Uensdey"i (1994-1996), İtaliya "Bari"si (1996-1998), "Bolonya"sı (1998-2000) və "Leççe"si (2001), Fransa "Marseli" (2000-2001) kimi məşhur komandaların heyətində çıxış edib. İnqesson 1989-1998-ci illər arasında İsveç yığmasının şərəfini qoruyub. O, 57 matçda meydana çıxıb və rəqib qapılarından 13 top keçirməyi bacarıb.
 

Xatırladaq ki, "Elfsborq" bu mövsüm Avropa Liqasının II təsnifat mərhələsində Bakı "İnter"i ilə qarşılaşıb. Ölkəmizdə keçən oyunda "bankirlər" 1:0 hesabı ilə rəqibi məğlub etmişdilər. İsveçdə isə meydan sahibləri eyni hesabla qələbəyə sevindiyindən, qalibin adına penaltilər seriyasında aydınlıq gəlinib. 11 petrlik cərimə zərbəsini daha dəqiq yerinə yetirən "Elfsborq" (4:3) növbəti mərhələyə adlamışdı. "İnter"in uduzub, turnirlə vidalaşdığı görüşdə isə isveçlilərin "sükanı arxasın"da Klas İnqesson olmuşdu.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.