İdman

Azərbaycanlı məşqçi: "Əgər o top qol olsaydı..."

14 İyul 2014 17:42
2 Şərh     Baxış: 3 407
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #İDMAN #DÇ-2014

"Argentinanın qol vura bilməməsi ustalığın aşağı olması deməkdir".

Bu sözləri Milli.Az-a "DÇ-2014"-ün finalını və ümumilikdə turniri şərh edərkən tanınmış futbol mütəxəssisi Ağasəlim Mircavadov bildirib: "Çempionat çox gözəl keçdi. Hücum müdafiəyə qalib gəldi. Yəni bu mundialda çox qol vuruldu. Düzdü 1/4 finallarda az qol vuruldu, amma yenə də maraqlı oyunlar keçdi. Baxımlı oyunlar həddindən artıq çox oldu.

Finalda Argentinanın uduzmasına baxmayaraq, qol şansları daha çox idi. Argentinanın qol vura bilməməsi ustalığın aşağı olması deməkdir. Həyəcan çox olduğundan heç bir komanda hücuma çox üstünlük vermirdi. Futbol elə bir oyundur ki, gərək səhv etməyəsən. Baxın, birinci hissənin ortalarında Hiquain qapıçı ilə təkbətək epizodu qola çevirə bilmədi. Əgər o top qol olsaydı, indi tamam başqa bir situasiya olacaqdı. Çempion olmaq üçün gərək hər bir komandanın bütün xətlərində lider olsun. Həmin liderlər də komanda şəkilində oynayıb, uğur qazanmalıdırlar. Bu qanundur. Düşünürəm ki, bu millilər elə finala layiq idi. Yəni bu çempionatda hər milli öz oyununa layiq olan yerdə bitirdi çempionatı".

Ağasəlim Mircavadov iyul ayının 17-də açıqlanmalı olan FİFA-nın futbol üzrə reytinq cədvəlində 10 pillə irəliləməsi gözlənilən Azərbaycan millisi haqqında da fikrlərini bildirdi: "Reytinqdə irəliləmək o demək deyil ki, bizdə hər şey yaxşıdı, qaydasındadı. Reytinq cədvəli böyük millilər Argentina, Almaniya, İspaniya, Braziliya və s millilər üçündür".

Niyaməddin Şirinov
Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.