İdman

Skolari qovuldu

14 İyul 2014 10:54
1 Şərh     Baxış: 2 435
VTB-də minimal faiz dərəcəsi ilə nağd kredit 9.9%-dən
#İDMAN #DÇ-2014
"DÇ-2014"ü dördüncü pillədə başa vuran Braziliya millisinin baş məşqçisi Luis Felipe Skolari istefaya göndərilib.

Milli.Az qol.az-a istinadən xəbər verir ki, komandanın mundialdakı çıxışından narazı qalan Braziliya Futbol Konfederasiyasının rəhbərliyi 65 yaşlı mütəxəssislə yollarını ayırıb.

Skolari ilə yanaşı, bütün məşqçi heyəti də istefa verib. Hələlik Skolarini kimin əvəzləyəcəyi məlum deyil.

Qeyd edək ki, Skolarinin istefası komandası "DÇ-2014"ün yarımfinalında Almaniyaya 1:7 hesablı məğlubiyyətdən sonra gündəmə gəlib. Braziliyanın üçüncü yer uğrunda oyunda Hollandiyaya da 0:3 hesabı ilə uduzması federasiyanın təcrübəli mütəxəssislə yollarını ayırmasına səbəb olub.  

Xatırladaq ki, Braziliya yığması Skolarinin rəhbərliyi altında 2002-ci ildə Yaponiya və Cənubi Koreyada keçirilən dünya çempionatında qızıl medallara sahib çıxmışdı.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.