İdman

Baçana Sxadadze: "Qapıda qapıçı dayansaydı..."

11 İyul 2014 13:08
0 Şərh     Baxış: 1 916
VTB-də minimal faiz dərəcəsi ilə nağd kredit 10.49%-dən
#İDMAN #AVROPA LİQASI #MOLDOVA, REPUBLİC OF
"İnter"in futbolçusu Baçana Sxadadze Avropa Liqasının I təsnifat mərhələsinin cavab matçında "Tiraspol" üzərində qazanılan 3:1 hesablı qələbədən sonra jurnalistlərin suallarını cavablandırıb.

Milli.Az qol.az-a istinadən xəbər verir ki, gürcüstanlı hücumçu mərhələ adladıqları oyun və növbəti turda qarşılaşacaqları İsveçin "Elfsborq" komandası haqda danışıb.

- Oyuna istədiyimiz kimi başlamadıq. Ancaq tədricən nəzarəti ələ aldıq. Düşünə bilərsiniz ki,  "Tiraspol" azlıqda qalmasaydı, qalib gəlməyəcəkdik. Ancaq nəzərə almaq lazımdır ki, rəqibi azlıqda qalmağa oyunumuzla məcbur etdik.

- Qapıda meydan oyunçusu dayansa da, penaltini dəqiq yerinə yetirə bilmədin...

- Karyeramda ilk dəfə idi ki, meydan oyunçusu dayanan qapıya penalti vururdum. Maraqlıdır ki, bu həm də ilk penalti idi ki, dəqiq yerinə yetirə bilmədim. Əslində qapıda qapıçı dayansaydı, mənə daha rahat olardı. Fikirləşəndə ki, sənin zərbəni qapıçı yox, oyunçu qaytaracaq...

- Bu oyunla komandanız Avroliqada nə qədər irəliləyə bilər?

- "Tiraspol"la oyunlarımız göstərdi ki, daha da artırmalıyıq. Əsas odur ki, növbəti mərhələyə adlamışıq. Oyunumuzu təkmilləşdirsək, daha da irəli gedəcəyik.

- "Tiraspol"la oyunda sizi heç-heçə də qane edirdi. Bunu düşünürdünüz, yoxsa qələbəyə oynayırdınız?

- Təbii ki, öz meydanımızda qələbə qazanmaq vacib idi. Bu, bizə hərtərəfli lazım idi. Buna görə də ilk dəqiqələrdən hücumda oynadıq. Stadiona gələn azarkeşlərə qələbə sevinci yaşatmaq istəyirdik. Sevinirəm ki, bunu bacardıq. Fanatlarımıza da təşəkkür edirəm ki, bizi yaxşı dəstəklədilər.

- Növbəti mərhələdə İsveçin "Elfsborq" klubu ilə qarşılaşacaqsınız. Bu komanda haqda nə deyə bilərsən?

- Hələ ki, "Elfsborq" haqda geniş məlumatımız yoxdur. Çünki ilk növbədə "Tiraspol"u keçməli idik. Onları öyrənməyə çalışacağıq. Onu deyə bilərəm ki, "Elfsburq" daha çətin rəqibdir. 

- Yəni "Tiraspol"dan güclüdür?

- Ola bilər. Çünki bu komanda ardıcıl neçə ildir ki, avrokuboklarda çıxış edir. Buna görə də heyətlərində Avroliqa təcrübəsi olan futbolçular çoxdur. Bu görüşə daha ciddi hazırlaşmalıyıq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.