İdman

Şahmat Avropa Oyunlarının proqramına daxil edilib

14 Yanvar 2014 14:56
Baxış: 471
VTB-də minimal faiz dərəcəsi ilə nağd kredit 9.9%-dən
#İDMAN

2015-ci ildə keçiriləcək Avropa Olimpiya Oyunlarının tərkibində şahmat da var. Milli.Az Trend-ə istinadən xəbər verir ki, Bu barədə gənclər və idman naziri Azad Rəhimov jurnalistlərə deyib.
 

Nazirin sözlərinə görə, şahmatın Olimpiya idman növü olmamasına baxmayaraq, Avropa Komitəsinin xüsusi qərarı ilə şahmat və karate Avropa Oyunlarının proqramına salınıb:

"Sözsüz ki, şahmatla bağlı aparılan bütün islahatlar daha yüksək səviyyədədir. Bizim çox güclü şahmat komandalarımız var ki, onların sayəsində biz ev sahibliyi edərkən sevinc hissi yaşamalıyıq və bu sahədə biz işlər görəcəyik".
 

A.Rəhimov deyib ki, gənclərlə bağlı Təşkilat Komitəsi, Təşkilat Ənənə Şirkəti işləyir:

"Bu işə çoxlu gənc cəlb olunub. Biz düşünürük ki, qısa müddətdə böyük kütlə, könüllülər Olimpiya oyunlarının hazırlığı prosesinə cəlb olunacaq. Olimpiya oyunlarının hazırlığına faktiki olaraq ötən ilin əvvəlindən başlanılıb. Artıq bir ildir işlər gedir. Demək olar ki, keçən ilin son ayından işlər daha fəal şəkildə aparılır. Bu il də əsas ilimizdir. Yəni, bu il bütün tikinti işləri başa çatmalıdır. Bu günlərdə avadanlıqlar alınmalıdır, kənd hazır olmalıdır, nəqliyyat və digər məsələlər hamısı həll edilməlidir".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.