İdman

Müşviq İsayevin xatirəsinə beynəlxalq turnir keçiriləcək - FOTO

14 Yanvar 2014 11:14
0 Şərh     Baxış: 736
VTB-də minimal faiz dərəcəsi ilə nağd kredit 9.9%-dən
#İDMAN
18 yanvar 2014-cü il tarixdə Bakıda Müşviq İsayevin xatirəsinə həsr olunmuş sərbəst güləş üzrə yeniyetmələr arasında sayca 17-ci beynəlxalq turnir keçiriləcək. Turnir 20 Yanvar şəhidi Müşviq İsayevin xatirəsini yad etmək, yeniyetmə güləşçilərin idman ustalığını artırmaq, sərbəst güləşin inkişafına və kütləviliyinə nail olmaq məqsədilə keçirilir.

Milli.Az-ın Güləş Federasiyasından aldığı məlumata görə, FİLA-nın mövcud qaydalarına əsasən, 42, 46, 50, 54, 58, 63, 69, 76, 85 və 100 kq-a qədər çəki dərəcələri üzrə keçiriləcək yarışlarda Azərbaycan pəhləvanları ilə yanaşı, Rusiya, Gürcüstan, İran, Qazaxıstan və Özbəkistandan olan güləşçilər də mübarizə apacaqlar.

Turnirdə müvafiq çəki dərəcələri üzrə I, II, III yerləri tutmuş idmançılar diplom, medal və pul mükafatı ilə təltif ediləcəklər.

Yarış 18 yanvar 2014-cü il tarixdə "Sərhədçi" İdman Olimpiya Mərkəzində keçiriləcək.

Milli.Az

Böyütmək üçün şəklə klikləyin.
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.