İdman

Uğur Pamuk: "Klubsuz qalaram, amma "Neftçi"də oynamaram"

1 İyul 2013 18:04
0 Şərh     Baxış: 438
VTB-də minimal faiz dərəcəsi ilə nağd kredit 10.49%-dən
#AZERBAİJAN
"Xəzər Lənkəran" klubunun futbolçusu Uğur Pamukun apasport.az saytına müsahibəsi

- Azərbaycana gəlməzdən öncə, hansısa komandamızı tanıyırdız?

- Əlbəttə. Amma yalnız 3 komanda - "Neftçi", "Xəzər Lənkəran" və "Qarabağ" haqda eşitmişdim. Hətta "Qarabağ"ın Avropa Liqasında Dortmundda "Borussiya" ilə oyununa da baxmışam.

- Təklif alsanız, "Neftçi"yə keçərsiz?

- Heç vaxt. Klubsuz qalaram, amma "Neftçi"də oynamaram.

- Niyə?

- Çünki millinin düşərgəsində olanda bu komanda haqda o qədər pis şeylər eşitmişəm ki... Futbolçulara qarşı pis münasibət bəsləyirlər.

- Almaniyadakı təlim-məşq toplanışını necə dəyərləndirərdiniz?

- Yaxşı keçdi. Ağır məşqlərimiz oldu. Bu, Avropa Liqası oyunu öncəsi bizə lazım idi.

- Hazırlıq vətəninizdə keçdi. Bu amilin sizin üçün hansısa fərqi oldumu?

- Düzdü, Almaniyada doğulub-boya başa çatmışam. Əlbəttə, mənim üçün rahat idi.

- Komanda artıq Maltadadır. "Slima" ilə sabah baş tutacaq oyunla bağlı nə düşünürsünüz?

- Bütün konsentrasiyamızı bu matça yönəltmişik. Qalib gəlmək istəyirik və hər kəs bunun üçün çalışacaq. Çalışacağıq ki, Lənkərana yaxşı nəticə ilə qayıdaq.

- Yaxşı nəticə deyəndə, məsələn, hansı hesab?

- 2 top fərqi ilə qələbə. O zaman Lənkəranda daha rahat oynayarıq.

- Amma rəqib də qarşılaşmaya ciddi hazırlaşır...

- "Slima" öz meydanında oynadığından, qələbə üçün var gücü ilə çalışacaq. Bizim üçün daha çətin olacaq. Çünki maltalılar meydanda pressinq edəcəklər. Ancaq biz rəqibdən qorxmuruq.

Mİlli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.