"Trabzonspor" və "Beşiktaş" uduzdu - Avropa Liqası və Konfrans Liqasında əsas mərhələnin bütün iştirakçıları bəllidir

UEFA Avropa Liqası və Konfrans Liqasında əsas mərhələdə iştirak edəcək bütün komandalar müəyyənləşib.

Milli.Az xəbər verir ki, Türkiyənin "Beşiktaş" klubu Avropa Liqasının ümumi mərhələsinə yüksəlib. İstanbul təmsilçisi pley-off mərhələsinin cavab oyununda səfərdə "Kauno Jalqiris"ə 0:1 hesabı ilə uduzsa da, ilk görüşdə 3:0 qalib gəldiyi üçün iki oyunun nəticəsinə əsasən 3:1 hesabı ilə mərhələni adlayıb.

"Kauno Jalqiris" isə mübarizəni UEFA Konfrans Liqasının ümumi mərhələsində davam etdirəcək.

Digər Türkiyə təmsilçisi "Trabzonspor" isə Avropa Liqasının pley-off mərhələsində "Ferentsvaroş"a səfərdə 0:4 hesabı ilə məğlub olub. İlk qarşılaşmada da 0:1 hesabı ilə uduzan komanda iki oyunun nəticəsinə əsasən 0:5 hesabı ilə geri düşüb və Konfrans Liqasına yollanıb.

Qarşılaşma zamanı "Trabzonspor" iki futbolçusunu da qırmızı vərəqə səbəbindən itirib. 13-cü dəqiqədə Ruslan Malinovski, 57-ci dəqiqədə isə Sidni Lopes Kabral meydandan kənarlaşdırılıb.

"Ferentsvaroş"un qollarını Kallum O'Dauda, Marius Korbu, Bamidele Yusuf və Kristian Listeş vurublar.

Beləliklə, "Beşiktaş" Avropa Liqasında, "Trabzonspor" və "Kauno Jalqiris" isə Konfrans Liqasının ümumi mərhələsində mübarizə aparacaq.

Qeyd edək ki, hər iki turnirin ümumi mərhələsinin püşkatma mərasimi bu gün keçiriləcək. Avropa Liqasında 36, Konfrans Liqasında isə 36 komanda mübarizə aparacaq.

Həmin komandaları təqdim edirik:

Avropa Liqası - Almaniyanın "Bayer" və "Hoffenhaym", Portuqaliyanın "Benfika" və "Torrense", İtaliyanın "Yuventus" və "Milan", Niderlandın "AZ Alkmaar" və "NEK Neymegen", Yunanıstanın "Olimpiakos" və OFİ, İspaniyanın "Real Sosyedad" və "Selta", Fransanın "Lion", "Marsel" və "Renn", Macarıstanın "Ferensvaroş", Çexiyanın "Viktoriya" və "Sparta", Belçikanın "Anderlext" və "Union", Xorvatiyanın "Dinamo Zaqreb", Şotlandiyanın "Seltik", Avstriyanın "Zalsburq" və "Şturm", Polşanın "Lex", İngiltərənin "Kristal Pelas", "Sanderlend" və "Bornmut", Sloveniyanın "Selye", Polşanın "Yagelloniya", Kiprin "Omoniya", Türkiyənin "Beşiktaş", İsrailin "Hapoel" (Ber-Şeva), Norveçin "Lillestrom", Bolqarıstanın "Levski" və Ermənistanın "Ararat-Armenia" komandası.

Konfrans Liqası - İtaliyanın "Atalanta", Portuqaliyanın "Braqa", Niderlandın "Ayaks" və "Tvente", Almaniyanın "Frayburq", Fransanın "Monako", Danimarkanın "Kopenhagen", "Norşellan", "Midtüllan" və "Orxus", Qazaxıstanın "Kayrat", Türkiyənin "Trabzonspor", Rumıniyanın "Universitatya Krayova", Serbiyanın "Srvena Zvezda", Yunanıstanın "Panatinaikos", Belçikanın "Gent" və "Sent-Trüden", Kiprin "Pafos", İngiltərənin "Brayton", İsveçrənin "Luqano" və "Tun", İspaniyanın "Xetafe", Finlandiyanın "KuPS", Bosniya və Herseqovinanın "Borats", Norveçin "Brann", Şotlandiyanı "Harts", Latviyanın "Riqa", Xorvatiyanın "Hayduk" (Split), Çexiyanın "Yablonets", Moldovanın "İnter", Bolqarıstanın ÇSKA (Sofiya), Litvanın "Jalgiris", İsveçin "Myölbü", Gürcüstanın "İberiya", Albaniyanın "Eqnatiya" və Cəbəllütariqin "Linkoln" klubu.

Müəllif: Tural Hüseyn (Milli.Az redaktor)