İdman

“Dinamo”da qalmaqal: “Qarabağ”la oyundan imtina etdi...

15 Avqust 2026 17:14

Baxış: 2 002

VTB-də minimal faiz dərəcəsi ilə nağd kredit 9.9%-dən

#QARABAĞ #FUTBOL #KONFRANS LİQASI

Kiyev "Dinamo"sunun futbolçusu Andrey Yarmolenko UEFA Konfrans Liqasının 3-cü təsnifat mərhələsində "Qarabağ"la cavab oyununda (0:2) iştirak etməyib. Onun adı ümumiyyətlə, iştirak ərizəsində olmayıb.

Milli.Az Qol.az-a istinadla xəbər verir ki, bu barədə jurnalist Andrey Piskun klubdakı mənbələrdən məlumat əldə edib.

Jurnalist 36 yaşlı yarımmüdafiəçinin komanda ilə birlikdə Bakıya gəldiyini və oynamağa hazır olduğunu bildirib.

Lakin Yarmolenko matçöncəsi toplantıda baş məşqçi İqor Kostyukun onu start heyətində oynatmayacağını öyrənib. Futbolçu bu qərardan narazı qalıb və oteldə qalaraq stadiona getməyib.

Qeyd edək ki, "Dinamo" Bakıda "Qarabağ"a 0:2 hesabı ilə uduzaraq (ilk oyun 1:0) Konfrans Liqasında mübarizəni dayandırıb.

Müəllif: Tural Hüseyn (Milli.Az redaktor)