Ulduz futbolçu ondan ötrü 1-ci arvadını boşayıb yenidən evlənib - (Fotolar)

Riyad Mahrezi itirdinizmi? Əlcəzairli artıq üç mövsümdür ki, "Əl-Əhli"də oynayır və 2025/26 mövsümündə klubla birlikdə ardıcıl ikinci il Asiya Futbol Konfederasiyası Çempionlar Liqasını qazanıb.

Milli.Az lent.az-a istinadən bildirir ki, əlcəzairli ikinci dəfə Dünya çempionatında oynayıb, Avstriyaya qarşı oyunda iki qol vurub və bütün ailəsi turnirdə ona azarkeşlik edib. Riyad Mahrezin həyat yoldaşı Teylorla tanış olun!

Teylor Uord 1998-ci il yanvarın 28-də anadan olub. O, Mahrezdən yeddi yaş kiçikdir, 28 yaşındadır.

Teylorun atası keçmiş futbolçu Eşli Uorddur. O, Premyer Liqanın beş klubunda - "Norviç", "Derbi", "Barnsli", "Blekbern" və "Bredford"da - oynayaraq kifayət qədər parlaq karyerası olub. Uordun gələcək kürəkəni sonradan şöhrət qazandığı iki komanda ilə də müqavilələri olub, lakin o, "Mançester Siti" və "Lester"də cəmi üç oyun keçirib.

Teylor peşəsini peşəkar model və "Çeşirin əsl evdar qadınları" realiti şousunun ulduzu olan anası sayəsində seçib. Uord həmçinin model və populyar televiziya aparıcısıdır. Onun "Instagram" hesabında üç milyondan çox izləyici var!

Teylorun futbolla yaxın əlaqəsi yalnız atası ilə məhdudlaşmır. 2010-cu illərdə o, "Everton"un müdafiəçisi Meyson Holqeytlə görüşüb və 2019-cu ildə ingilis tabloidləri onu Serxio Aquero ilə əlaqələndiriblər.

2020-ci ildə Teylor Mahrezlə tanış olub, lakin o, evli futbolçunu qəti şəkildə rədd edib. Nəticədə, Riyad 2014-cü ildən bəri evli olduğu Rita Cohaldan rəsmi olaraq ayrılıb.

2021-ci ildə Mahrez Teylora evlilik təklifi edib və cütlük 2024-cü il iyulun 3-də evlənib.
Riyad və Teylorun iki övladı var. Mahrezin ilk evliliyindən də iki qızı var. Dörd uşağın hamısı tez-tez Ciddədə bir araya gəlir.

Mahrezlər ailəsi 2023-cü ildə Səudiyyə Ərəbistanına köçüblər və əvvəlcə o, bundan xoşlanmayıb. "Bu, çox çətindir. Elə vaxtlar olur ki, artıq dözə bilmirəm, hər şeydən çox narazıyam. Hətta otelə zəng edib soruşdum ki, "Uşaqla gəlirəm, hovuza nə geyinəcəyimi deyin". Bilirəm ki, bu, daha mühafizəkar bir ölkədir və müəyyən bir geyim qaydası var, ona görə də yoxlamaq qərarına gəldim. Və onlar dedilər ki, "Oh, yox, bağışlayın, bu hovuz yalnız kişilər üçündür".

Müəllif: Tural Hüseyn (Milli.Az redaktor)