İdman

"Qarabağ" və "Neftçi"nin avrokubok matçlarının hakimləri açıqlandı

18 İyul 2026 12:56

Baxış: 1 032

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #AVROPA LİQASI #HAKİM #KONFRANS LİQASI

Azərbaycan klubları "Qarabağ" və "Neftçi"nin UEFA turnirlərində keçirəcəkləri növbəti qarşılaşmaların hakim təyinatları açıqlanıb.

Milli.Az xəbər verir ki, UEFA Avropa Liqasının II təsnifat mərhələsində "Qarabağ"ın Bolqarıstanın ÇSKA (Sofiya) klubuna qarşı Bakıda keçirəcəyi ilk görüşü italiyalı FIFA referisi Daniele Çiffi idarə edəcək. Ona Ciovanni Baççini və Alessandro Lo Çiçero yan xətt hakimləri kimi kömək edəcəklər. Dördüncü hakim Daniele Perenzoni, VAR hakimi Valerio Marini, AVAR isə Federiko La Penna olacaq.

Sofiyada baş tutacaq cavab qarşılaşmasına isə belçikalı FIFA referisi Bram Van Drişşe təyinat alıb. Ona Mişel Seldreyers və İv De Neve köməklik göstərəcək. Dördüncü hakim funksiyasını Kevin Van Damme yerinə yetirəcək. VAR-da Bert Put, AVAR-da isə Vesli De Kremer çalışacaq.

UEFA Konfrans Liqasının II təsnifat mərhələsində keçiriləcək "Neftçi" - "Dinamo" (Minsk) qarşılaşmasının hakimləri də müəyyənləşib. Bakıda oynanılacaq ilk matçı Kiprdən olan FIFA referisi Konstantinos Fellas idarə edəcək. Yan xətt hakimləri Marios Kaloqirou və Giorgios Çaralampous, dördüncü hakim isə Konstantinos Neofytou olacaq.

Qeyd edək ki, "Qarabağ" - ÇSKA (Sofiya) matçı iyulun 23-də Bakıda, cavab görüşü isə iyulun 30-da Bolqarıstanda keçiriləcək. "Neftçi" - "Dinamo" (Minsk) oyunu isə iyulun 22-də "Palms Sports Arena"da saat 20:00-da başlayacaq. Tərəflər arasında cavab qarşılaşması iyulun 30-da baş tutacaq.

Müəllif: Tural Hüseyn (Milli.Az redaktor)