İdman

"Barselona"nın keçmiş ulduzu Meksikanın baş məşqçisi təyin olundu

9 İyul 2026 10:26

Baxış: 1 191

VTB-də minimal faiz dərəcəsi ilə nağd kredit 9.9%-dən

#MEXİCO

Meksika Futbol Federasiyası milli komandanın yeni baş məşqçisinin Rafael Markes olduğunu rəsmən açıqlayıb.

Milli.Az xəbər verir ki, 47 yaşlı mütəxəssis bu vəzifədə 2024-cü ildən komandaya rəhbərlik edən, lakin Meksika yığmasının DÇ-2026-dakı çıxışından sonra istefa verən Xavyer Aqirreni əvəzləyib.

Baş məşqçi postuna gətirilməzdən əvvəl Rafael Markes uzun müddət Xavyer Aqirrenin məşqçilər korpusunda çalışaraq milli komandada fəaliyyət göstərib.

Keçmiş futbolçu kimi zəngin karyeraya sahib olan Rafael Markes vaxtilə "Barselona"nın formasını geyinib. O, Meksika millisinin heyətində keçirdiyi 147 oyunda 17 qol vuraraq ölkə futbolunun ən yaddaqalan simalarından birinə çevrilib.

Federasiya yeni baş məşqçinin rəhbərliyi altında komandanın qarşıdakı turnirlərdə uğurlu nəticələr əldə edəcəyinə ümid edir.

Müəllif: Tural Hüseyn (Milli.Az redaktor)