İdman

Rus futbolçu “Kayserispor”dan FIFA-ya şikayət edəcək

19 İyun 2026 10:22
Baxış: 293
VTB-də minimal faiz dərəcəsi ilə nağd kredit 9.9%-dən
#FUTBOL

Rusiyalı futbolçu Denis Makarov Türkiyənin "Kayserispor" klubu ilə müqaviləsini birtərəfli qaydada ləğv edib.

Milli.Az İdman.Biz-ə istinadən bildirir ki, bu barədə onun vəkili Anton Smirnov bildirib.

Mənbənin sözlərinə görə, klub üç aydır ki, oyunçunun maaşını ödəməyib və bu da rusiyalıya üzrlü səbəbdən müqaviləni ləğv etməyə imkan verib.

"Kluba qarşı şikayət FIFA Futbol Tribunalının Mübahisələrin Həlli Palatasına göndəriləcək. Bu şikayətdə futbolçu borclarını ödəməklə yanaşı, kluba qarşı cərimə və növbəti iki transfer dövrü üçün yeni oyunçuların qeydiyyatına qadağa şəklində idman sanksiyaları tələb edir", Smirnov özünün Telegram kanalında yazıb.

Makarov daha əvvəl kluba şikayət ərizəsi ilə müraciət etmiş və kluba borclarını ödəmək üçün 15 günlük müddət qoymuşdu. Vəkilin sözlərinə görə, "Kayserispor" şikayəti qulaqardına vurub və maliyyə öhdəliklərini yerinə yetirməyib.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.