İdman

Afrikalı hakimin DÇ-2026-ya buraxılmamasının səbəbi bilindi

12 İyun 2026 14:12

Baxış: 1 416

VTB-də minimal faiz dərəcəsi ilə nağd kredit 9.9%-dən

#FUTBOL #FİFA

ABŞ-nin daxili təhlükəsizlik naziri Markveyn Mullin 2026-cı il futbol üzrə dünya çempionatı ilə bağlı verilən qərarlara münasibət bildirib.

Milli.Az Türkiyə mətbuatına istinadən xəbər verir ki, turnirdə matçları idarə etməli olan somalili hakim Ömər Əbdülkadir Artanın ABŞ-yə buraxılmaması geniş müzakirələrə səbəb olub. Rəsmi qurumların qərarına əsas səbəb kimi onun təhlükəsizlik baxımından şübhəli şəxslərlə əlaqədə ola biləcəyi ehtimalı göstərilib.

Markveyn Mullin açıqlamasında ölkəyə giriş qaydalarının ciddi şəkildə tətbiq olunduğunu vurğulayıb və təhlükəsizlik məsələlərinin prioritet olduğunu bildirib. O qeyd edib ki, cinayətkar qruplarla əlaqəsi ola biləcək şəxslərə heç bir halda giriş icazəsi verilməyəcək.

Nazir həmçinin bu qərarın siyasi və ya qərəzli yanaşma ilə əlaqələndirilməsini qəbul etmədiklərini bildirib.

Qeyd edək ki, 2026-cı il futbol üzrə dünya çempionatı ABŞ, Kanada və Meksikada təşkil olunacaq və turnir iyulun 19-dək davam edəcək.

Hüseyn