İdman

"Bavariya" Noyerlə bağlı yekun QƏRARINI VERDİ

7 May 2026 14:34
Baxış: 330
VTB-də minimal faiz dərəcəsi ilə nağd kredit 9.9%-dən
#BAVARİYA #FUTBOL #BUNDESLİQA

"Bavariya" klubunun təcrübəli qapıçısı Manuel Noyer komandada qalmağa yaxındır. Məlumata görə, tərəflər yeni müqavilə ilə bağlı danışıqlarda son mərhələyə çatıb.

Milli.Az xarici mətbuata istinadən xəbər verir ki, tanınmış insayder Fabritsio Romano "X" sosial şəbəkəsindəki məlumatına görə, klub rəhbərliyi artıq digər qapıçı namizədlərinin agentlərinə Noyerin daha bir mövsüm Münhen təmsilçisində çıxış edəcəyini bildirib. Alman qolkiperin növbəti mövsümdə də əsas heyətdə yer alacağı gözlənilir.

Bununla yanaşı, gənc qapıçı Yonas Urbiqin daha çox oyun praktikası qazanacağı qeyd olunur. Klub daxilində Noyerin gənc qapıçı üçün həm də mentor rolunu oynayacağı bildirilir.

Xatırladaq ki, "Bavariya" UEFA Çempionlar Liqasının yarımfinalında PSJ ilə qarşılaşmada mübarizəni dayandırıb. İki oyunun nəticəsinə əsasən Almaniya təmsilçisi turnirlə vidalaşıb.

Cari mövsümdə Manuel Noyer bütün turnirlərdə 36 matçda forma geyinib. Təcrübəli qapıçı bu görüşlərdə 39 qol buraxıb, 11 oyunda isə qapısını toxunulmaz saxlaya bilib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.