İdman

Xorxe Xesusdan 3 il sonra gələn şok "Fənərbağça" etirafı

7 May 2026 00:36
Baxış: 1 477
VTB-də minimal faiz dərəcəsi ilə nağd kredit 9.9%-dən
#FƏNƏRBAĞÇA

Təcrübəli portuqaliyalı mütəxəssis Xorxe Xesus Türkiyənin "Fənərbağça" klubunu çalışdırdığı dönəmlə bağlı illər sonra sükutu pozub.

Milli.Az xəbər verir ki, Xesusun etirafları xüsusilə İstanbul təmsilçisinin azarkeşləri arasında böyük müzakirələrə səbəb olub.

Mütəxəssis Səudiyyə Ərəbistanı rəsmiləri ilə hələ Türkiyədə olduğu müddətdə görüşdüyünü bildirib:

"Fənərbağça"da vəzifəm davam edərkən, Səudiyyə Ərəbistanı Futbol Federasiyasının rəsmiləri mənimlə əlaqə saxladılar. Onlar məni üç mövsümlük müqavilə ilə Milli Komandanın sükanı arxasına keçməyə dəvət etdilər. O vaxt mən artıq Türkiyədə qalmamağa qərar verdiyim üçün Səudiyyə heyəti ilə görüşməyə razı oldum."

Xesus görüş zamanı tərəflərin bütün maliyyə şərtlərində ortaq məxrəcə gəldiyini vurğulayıb. Lakin o, müqavilənin müddəti ilə bağlı xüsusi bir şərt irəli sürüb:

Xesus 3 mövsümlük təklif əvəzinə müqavilənin 2 mövsümlük olmasını istəyib.

Əgər Səudiyyə Ərəbistanı Milli Komandası Dünya Çempionatına vəsiqə qazanarsa, müqavilənin avtomatik uzadılması barədə razılıq əldə olunub.

Portuqaliyalı məşqçinin sözlərinə görə, tərəflər hər mövzuda razılaşdıqdan sonra bu müqavilənin iyun ayının sonunda, yəni "Fənərbağça"dakı mövsüm başa çatdıqdan dərhal sonra elan edilməsi planlaşdırılıb. (Offsideplus.az)

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.