İdman

AFFA "Qarabağ" və "Sabah"ı ağır cəzalandırdı

11 Mart 2026 15:07
Baxış: 731
VTB-də minimal faiz dərəcəsi ilə nağd kredit 9.9%-dən
#İDMAN #FUTBOL

İntizam Komitəsinin bugünkü iclasında Misli Premyer Liqasının XXII və XXIII tur oyunlarında qeydə alınan qayda pozuntuları müzakirə olunub və müvafiq cərimələr tətbiq edilib.

Milli.Az xəbər verir ki, martın 1-də keçirilən "Qarabağ" - "Sabah" matçında baş verən insidentlər ciddi cəzalarla nəticələnib.

Rəqib komandanın ehtiyat oyunçular skamyasına qeyri-etik jest etdiyi üçün "Sabah"ın məşqçisi Valerio Zuddas 7 oyunluq cəzalandırılıb, klub isə 15000 manat cərimələnib. Eyni matçda kütləvi davada iştirak etdiklərinə görə "Qarabağ"ın məşqçiləri Müşfiq Hüseynov və Zaur Tağızadənin hər biri 6 oyunluq kənarlaşdırılıb, klub isə ümumilikdə 12000 manat cərimə olunub.

Martın 8-də keçirilən "Şamaxı" - "İmişli" oyununda "İmişli", martın 9-da keçirilən "Zirə" - "Kəpəz" qarşılaşmasında isə "Kəpəz" komandaları futbolçularının çoxsaylı sarı vərəqə alması səbəbindən hər biri 700 manat cərimə ödəməli olacaq.

Martın 9-da baş tutan "Neftçi" - "Turan Tovuz" matçında isə "Neftçi" azarkeşlərinin hərəkətləri kluba baha başa gəlib. Təhqiredici pankart açılmasına görə klub 15000 manat, azarkeşlərin hakimlərə qarşı kütləvi təhqiramiz ifadələr səsləndirməsi və bu halın cari mövsümdə 5-ci dəfə təkrarlandığına görə isə əlavə olaraq 8000 manat cərimələnib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.