İdman

Ulduz futbolçu İran ordusuna qoşulacaq

3 Mart 2026 10:30
Baxış: 2 231
VTB-də minimal faiz dərəcəsi ilə nağd kredit 9.9%-dən
#IRAN #YAXIN ŞƏRQ #FUTBOL #ORDU #ABŞ

Yunanıstanın "Olimpiakos" klubunda çıxış edən və İran milli futbol komandasının aparıcı simalarından sayılan Mehdi Taremi ölkəsində baş verən hadisələr fonunda diqqətçəkən addım atıb.

Milli.Az xəbər verir ki, ABŞ və İsrailin İrana endirdiyi hücumlardan sonra 33 yaşlı hücumçu klub rəhbərliyinə vətənə dönmək niyyətində olduğunu bildirib. O, hərbi rəhbərlik və ordu ilə bir sırada dayanmaq, lazım gələrsə silaha sarılaraq ölkəsini müdafiə etmək istədiyini vurğulayıb.

Taremi qərarının qəti olduğunu gizlətməyib:

"Bu, vətənimin mənə ən çox ehtiyac duyduğu məqamdır. Xalqım təhlükə altındadır və mən onların yanında olmalıyam".

Məlumatda qeyd olunur ki, İran Futbol Federasiyası təcrübəli futbolçunu Yunanıstanda qalmağa və peşəkar karyerasını davam etdirməyə razı salmağa çalışır. Lakin hücumçu hələlik mövqeyini dəyişməyib.

Xatırladaq ki, Taremi daha əvvəl "İnter" və "Porto" kimi Avropanın tanınmış klublarında forma geyinib, vurduğu qollar və sabit oyunu ilə beynəlxalq arenada ad qazanıb. Hazırda isə "Olimpiakos"un heyətində Yunanıstan Super Liqasında məhsuldar çıxışı ilə seçilir.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.