İdman

Messi məşhur kluba keçir - danışıqlar BAŞLADI

5 Fevral 2026 12:45
Baxış: 17 368
VTB-də minimal faiz dərəcəsi ilə nağd kredit 9.9%-dən
#TRANSFERLƏR #LİONEL MESSİ #FUTBOL

Argentinanın "Nyuells Old Boyz" klubunda Lionel Messi ilə bağlı diqqətçəkən açıqlama verilib.

Milli.Az xarici mətbuata istinadən xəbər verir ki, klubun vitse-prezidenti Xuan Manuel Medina bu barədə "Toda Pasion" nəşrinə müsahibəsində danışıb.

Medinanın sözlərinə görə, klub Messinin transferini 2027-ci ilin yanvar ayında reallaşdırmağı planlaşdırır. O, potensial keçidlə bağlı ilkin təmasların artıq baş tutduğunu da təsdiqləyib.

"Bu məsələ bizim nələri təklif edə biləcəyimizdən - həm infrastruktur, həm də rəqabətədavamlı idman layihəsi baxımından - asılıdır. Danışıqlar aparılıb, ideya ortaya qoyulub, amma hazırda yekun qərar yoxdur", - deyə klub rəsmisi bildirib.

Qeyd edək ki, Lionel Messi futbol karyerasına məhz "Nyuells Old Boyz"un akademiyasında başlayıb və onun mümkün geri dönüşü Argentina futbol ictimaiyyətində böyük maraq doğurub.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.