İdman

Qvardioladan "aleykum"la başlayan təsirli çıxış - VİDEO

30 Yanvar 2026 18:15

Baxış: 1 308

VTB-də minimal faiz dərəcəsi ilə nağd kredit 9.9%-dən

#İDMAN #VİDEO #BARSELONA #FUTBOL #MANÇESTER SİTİ

"Mançester Siti"nin baş məşqçisi Pep Qvardiola Barselonada Fələstinə yardım məqsədilə keçirilən xeyriyyə tədbirində emosional çıxış edib. Onun Fələstində yaşanan humanitar böhranla bağlı səsləndirdiyi fikirlər ictimaiyyətdə geniş rəğbətlə qarşılanıb.

Milli.Az xəbər verir ki, tədbirdə çıxış edən Qvardiola fələstinli uşaqların yaşadığı faciələrə diqqət çəkərək dünya liderlərini və beynəlxalq ictimaiyyəti hərəkətə keçməyə çağırıb.

Təcrübəli məşqçi televiziyada izlədiyi bir görüntünün onu dərindən sarsıtdığını bildirib.

"Dağıntılar altında anasını axtaran bir uşağın görüntüsünü gördüm. O, anasının orada qaldığını bilmirdi. Mən tez-tez düşünürəm ki, bu uşaqlar nə hiss edir, nə düşünürlər? Düşünürəm ki, biz onları tək qoyduq və tərk etdik", - deyə Qvardiola bildirib.

Çıxışına "Gecəniz xeyir, Əssalamu əleykum" sözləri ilə başlayan ispaniyalı məşqçi fələstinli uşaqların sanki bütün dünyaya səsləndiyini vurğulayıb: "Onlar bizə 'Haradasınız? Gəlin və bizə kömək edin' deyirlər. Amma biz bunu indiyədək etməmişik".

Qeyd edək ki, Pep Qvardiola daha əvvəl də müxtəlif platformalarda Fələstindəki humanitar vəziyyətlə bağlı mövqeyini açıq şəkildə ifadə edib.

Fidan
Milli.Az