Sağlamlıq

Tofu pendiri nədir, nəyə xeyri var?

5 May 2026 07:07

Baxış: 430

VTB-də minimal faiz dərəcəsi ilə nağd kredit 9.9%-dən

#SAĞLAM QİDA

Tofu soya südünün müxtəlif maddələrlə (kalsium sulfat, maqnezium xlorid və ya limon şirəsi) çürüdülərək lor halına gətirilməsi və sonra bloklar halında preslənməsi ilə hazırlanır.

Milli.Az xəbər verir ki, tofu bitki mənşəli olduğu üçün vegan pəhrizləri üçün ideal bir alternativdir.

Süddən hazırlanan pendirlərə nisbətən daha az yağlıdır və xolesterol ehtiva etmir.

100 qram tofuda təxminən 70-80 kcal enerji, 8 q protein, 4 q yağ və müxtəlif vitaminlər (B, E) və minerallar (kalsium, dəmir, maqnezium) mövcuddur.

Tofu pis xolesterolu (LDL) aşağı salmağa və ürək xəstəlikləri riskini azaltmağa kömək edir.

Bədən üçün zəruri olan doqquz təməl amin turşusunun hamısını ehtiva edir.

Tərkibindəki yüksək kalsium və maqnezium sayəsində osteoporoz (sümük əriməsi) riskini azalda bilər.

Tərkibindəki izoflavonlar antioksidant təsir göstərir və bəzi araşdırmalara görə süd və prostat xərçəngi riskini azalda bilər.

Aşırı istehlak qalxanabənzər vəzi (tiroid) funksiyalarına təsir edə bilər. Həmçinin fitoestrogen ehtiva etdiyi üçün estrogenə qarşı həssas xəstəliyi olanlar, körpələr və qan durulducu dərman istifadə edənlər həkimlə məsləhətləşməlidir.

Tofu dadları udmaq qabiliyyətinə görə mətbəxdə müxtəlif yollarla istifadə edilə bilər:

Kub şəklində doğranaraq tavada qızardıla və müxtəlif souslarla ləzzətləndirilə bilər.

Tərəvəzlərlə birlikdə sote edilərək praktiki bir yemək hazırlana bilər.

Yumşaq (ipək) tofu daha çox şorbalarda və smoothie (kokteyl) kimi reseptlərdə istifadə olunur.

Marinat: Soya sousu, sarımsaq və ədviyyatlarla qarışdırılmış mayedə 15-30 dəqiqə gözlətmək tofünün dadını əhəmiyyətli dərəcədə artırır.

Lalə Qüdrətova
Milli.Az

Milli.Az - Xəbər Portalı

Tofu pendiri nədir, nəyə xeyri var?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?