"Qarabağ" ən böyük zəfərini qazandı - VİDEO

"Qarabağ" UEFA Çempionlar Liqasının əsas mərhələsinin VII turunun oyununda doğma meydanda "Ayntraxt" (Almaniya) ilə qarşılaşıb.

Milli.Az-ın məlumatına görə, Tofiq Bəhramov adına Respublika stadionunda reallaşan matç Azərbaycan çempionunun 3:2 hesablı qələbəsi ilə bitib.

Ağdam təmsilçisinin heyətində Kamilo Duran dubl müəlliffi (4, 80) olub. Qonaqların heyətində Can Uzun (11) və Fares Chaibi (78-pen) fərqləniblər. "Köhlən atlar"a qələbə gətirən qola isə 90+4-cü dəqiqədə Bəhlul Mustafazadə imza atıb.

Bununla da ağdamlılar cari mövsüm Çempionlar Liqasının Liqa mərhələsindəki xallarının sayını 10-ə çatdırıblar.

Qeyd edək ki, Qurban Qurbanovun rəhbərlik etdiyi kollektiv sonuncu - VIII turda, dekbarın 29-da səfərdə İngiltərənin "Liverpul" kollektivinin qonağı olacaq.

-------------
Kamilyo Duran dubl edir.
----------

"Ayntraxt" 78-ci dəqiqədə dəqiq penalti zərbəsi ilə hesabda önə çıxır.
 

---------
Matçın 11-ci dəqiqəsində Can Uzun hesabı bərabərləşdirdi.
-------------
Matçın 4-cü dəqiqəsində Kamilyo Duran hesabı açdı.
-----------

UEFA Çempionlar Liqasının əsas mərhələsinin VII turunun "Qarabağ" - "Ayntraxt" (Almaniya) oyunu start götürüb.

Milli.Az xəbər verir ki, qarşılaşma Tofiq Bəhramov adına Respublika stadionunda keçirilir.

Görüşü isveçrəli FIFA referisi Sandro Şerer idarə edir.

----------
Komandaların start heyətləri açıqlanıb.

"Qarabağ": Mateuş Koxalski, Mateus Silva, Marko Yankoviç, Abdullah Zubir (k), Joni Montiel, Bəhlul Mustafazadə, Leandro Andrade, Kamilo Duran, Pedro Bikalyo, Elvin Cəfərquliyev, Kevin Medina.

"Ayntraxt": Kauan Santos, Artyur Teate, Robin Kox (k), Ansqar Knauff, Rasmus Kristensen, Elie Skiri, Huqo Larsson, Nnamdi Kollinz, Nataniel Braun, Riçu Doan, Can Uzun.

---------------

Azərbaycan çempionu "Qarabağ" bu gün UEFA Çempionlar Liqasının əsas mərhələsində növbəti oyununa çıxacaq.

Milli.Az xəbər verir ki, Ağdam təmsilçisi turnirin VII turu çərçivəsində Almaniyanın "Ayntraxt" (Frankfurt) klubu ilə qarşılaşacaq. Oyun Bakı vaxtı ilə saat 21:45-də Tofiq Bəhramov adına Respublika stadionunda keçiriləcək.

Matçı İsveçrədən olan baş hakim Sandro Şerer idarə edəcək.

Hazırda "Qarabağ" turnir cədvəlində 7 xalla 25-ci pillədə, Frankfurt klubu isə 4 xalla 33-cü yerdə qərarlaşıb.

Qeyd edək ki, qarşılaşma hər iki komanda üçün turnir baxımından xüsusi əhəmiyyət daşıyır.

Tural
Milli.Az