İdman

“Mançester Yunayted” Ərəbistandan oyunçu ALIR

20 Yanvar 2026 10:37
Baxış: 743
VTB-də minimal faiz dərəcəsi ilə nağd kredit 9.9%-dən
#TRANSFERLƏR #MANÇESTER YUNAYTED #SAUDİ ARABİA #FUTBOL #PREMYER LİQA

"Mançester Yunayted" heyətini gücləndirmək məqsədilə Səudiyyə Ərəbistanının "Əl-Hilal" klubunda çıxış edən Ruben Neveşi transfer siyahısına daxil edib.

Milli.Az xəbər verir ki,  jurnalist Ekrem Konur bu barədə "X" sosial şəbəkəsində paylaşım edib. Xəbərdə qeyd olunur ki, İngiltərə nəhəngi portuqaliyalı yarımmüdafiəçinin keçidi üçün "Əl-Hilal"a 23 milyon avro məbləğində rəsmi təklif göndərib. Klub rəhbərliyi bu təklifin qəbul olunacağına ümid bəsləyir.

Bildirilir ki, tərəflər razılığa gəldiyi halda, "Mançester Yunayted" futbolçunun özü ilə şəxsi müqavilə şərtləri üzrə danışıqlara start verəcək. Bununla belə, Ruben Neveş hazırda Səudiyyə Ərəbistanında qalmaqdan məmnundur və mümkün transferdə əsas rol oynayan məqam maliyyə detallarıdır.

Qeyd edək ki, yarımmüdafiəçinin "Əl-Hilal"la müqaviləsi 2026-cı ilin iyun ayınadək qüvvədədir. Neveş cari mövsümdə bütün turnirlər üzrə 21 matçda forma geyinib, 8 qol vurub və 4 məhsuldar ötürmə edib. "Transfermarkt" portalı futbolçunun bazar dəyərini 25 milyon avro olaraq göstərir.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.