İdman

"Mançester Yunayted" "Mançester Siti"ni məğlub etdi

17 Yanvar 2026 19:10
Baxış: 767
VTB-də minimal faiz dərəcəsi ilə nağd kredit 9.9%-dən
#MANÇESTER YUNAYTED #MANÇESTER SİTİ

"Mançester Yunayted" İngiltərə Premyer Liqasının (İPL) 22-ci turunda ev oyununda "Mançester Siti"ni 2:0 hesabı ilə məğlub edib.

Milli.Az xəbər verir ki, prinsipial derbidə Brayan Mbemo (65-ci dəqiqə) və Patrik Dorqu (76) fərqləniblər.

"Mançester Yunayted" yeni baş məşqçi Maykl Kerrik ilə ilk matçını keçirib. Qeyd edək ki, Ruben Amorim yanvarın 5-də işdən azad olunub, o zaman baş məşqçi səlahiyyətlərini müvəqqəti olaraq Darren Fletçer icra edib, yanvarın 13-də isə Kerrik komandanın baş məşqçisi təyin olunub.

Beləliklə, "Mançester Yunayted" "Mançester Siti"dən revanş ala bilib. Xatırladaq ki, ilk oyunda "Mançester Yunayted" rəqibinə 0:3 hesabı ilə məğlub olub.

"Mançester Siti" İPL-in 12-ci turunda "Nyukasl"a 1:2 hesabı ilə uduzduğu 22 noyabrdan bəri ilk məğlubiyyətini alıb.

"Qırmızı şeytanlar" qələbə sayəsində 35 xalla turnir cədvəlində dördüncü yerə yüksəliblər. "Mançester Siti" ikinci pillədə qərarlaşıb (43), "Arsenal" isə liderlik edir (49).

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.