İdman

"Mançester Siti" 75 milyona oyunçu ALDI - FOTO

7 Yanvar 2026 09:20

Baxış: 2 297

VTB-də minimal faiz dərəcəsi ilə nağd kredit 10.49%-dən

#TRANSFERLƏR #FUTBOL #PREMYER LİQA #MANÇESTER SİTİ

"Mançester Siti" heyətini yeni futbolçu ilə gücləndirib.

Milli.Az xarici mətbuata istinadən xəbər verir ki, tanınmış jurnalist və insayder Fabrizio Romano bu barədə "X" sosial şəbəkəsində paylaşım edib. Məlumata əsasən, Premyer Liqa təmsilçisi "Bornmut"un yarımmüdafiəçisi Antuan Semenyonu transfer edib.

Bildirilib ki, keçidin maliyyə dəyəri 75 milyon avro təşkil edir. 25 yaşlı futbolçunun yanvarın 8-də tibbi müayinədən keçdikdən sonra "Mançester Siti" ilə uzunmüddətli müqaviləyə imza atacağı qeyd olunub.

Xəbərdə vurğulanır ki, Semenyo "şəhərlilər"ə qoşulmaq üçün Premyer Liqanın daha dörd klubundan gələn təklifləri geri çevirib. Transferdə əsas amilin futbolçunun Xosep Qvardiolanın rəhbərliyi altında çıxış etmək istəyi olduğu bildirilib.

Qeyd edək ki, Antuan Semenyo cari mövsümdə İngiltərə Premyer Liqasında 19 oyunda 9 qol vurub və 3 məhsuldar ötürmə ilə yadda qalıb.

Hüseyn
Milli.Az