İdman

"Qalatasaray" "İnter"in ulduzuna "elçi düşdü"

5 Yanvar 2026 15:11
Baxış: 1 676
VTB-də minimal faiz dərəcəsi ilə nağd kredit 9.9%-dən
#TRANSFERLƏR #QALATASARAY #İNTER #FUTBOL #SERİYA A

"Qalatasaray" İtaliyanın "İnter" klubunda çıxış edən yarımmüdafiəçi Davide Frattesini transfer siyahısına daxil edib.

Milli.Az-ın Türkiyə mediasına istinadən məlumatına görə, tanınmış insayder Canluka Di Marzionun bildirdiyinə əsasən, İstanbul təmsilçisi bu keçid üçün 35 milyon avroya qədər vəsait ayırmağa hazırdır.

"Sarı-qırmızılılar" futbolçunu birdəfəlik satınalma şərti ilə icarəyə götürmək variantını nəzərdən keçirir.

Qeyd olunur ki, bu transfer formulu "İnter" üçün də məqbul sayılır. Milan klubu Frattesini gələcəkdə satışının təmin olunacağı zəmanətli razılaşma əsasında göndərməyə müsbət yanaşır.

Xatırladaq ki, Davide Frattesi 2023-cü ilin iyulundan "İnter"in formasını geyinir. O, "Sassuolo"dan Milan klubuna 31,4 milyon avro qarşılığında transfer olunub. Cari mövsümdə Frattesi bütün turnirlər üzrə 15 oyunda meydana çıxıb və iki məhsuldar ötürmə ilə diqqət çəkib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.