İdman

"İki nəfər məni ölkəyə TANITDI"

5 Dekabr 2025 14:54
Baxış: 6 037
VTB-də minimal faiz dərəcəsi ilə nağd kredit 9.9%-dən
#MARAQLI #MƏŞHURLAR #ƏMƏKDAR ARTİST #FİTNESS #AKTRİSA #APARICI #İDMANÇI

Tanınmış idmançı Kamil Zeynallı səmimi etirafları ilə diqqət çəkib.

Milli.Az xəbər verir ki, fitnes məşqçisi tanınması və uğurlarına görə əməyi olan iki insanın adını çəkib:

"O vaxt ATV-də Samir Bayramlı aparıcı çalışırdı, bir də Toppuş bacı ləqəbli Tünzalə Əliyeva. Onlar ikisi də mənə dəstək olmuşdular. Samirə o vaxt məşq keçirdim. Samir dedi ki, verilişimdə idmanla bağlı rubrika etmək istəyirəm. Hər həftə bir məşhur qonağı yanıma məşqə gətirirdi. Mən məşq keçirdim, o da sual-cavab edirdi. Bir ilə yaxın birgə çəkildik. Samir bir dəfə də mərhum Əməkdar artist Tünzalə Əliyevanı gətirdi. O vaxt çəkisi 170 kq idi. Tünzalə xanıma təklif etdim ki, arıqlasın, bizim zala yazılsın. Söhbətimiz üst-üstə düşdü. Dedi ki, gələcəyəm. Elə səhəri gündən başladı. Ciddi pəhriz saxlayırdı. Bununla yanaşı, idmanımızla 6 aya 70 kq-a yaxın çəki atdı. Özü bir kanalda səhər verilişi aparırdı, mətbəxlə bağlı idi. 1 saat efirə gedirdi. Həmişə efirdən çıxıb idmana gəlirdi. Hər gün yarım - 1 kilo arıqlayırdı. Efirdə daima deyirdi ki, arıqlamaq istəyirsinizsə, Kamilin yanına gəlin. Arıqlamağı ilə xanımlara idmanı sevdirdi. O vaxt bizdə xanımlar idmana çox meyilli deyildilər, zalların sayı az idi. 2008-2009-cu illəri deyirəm. Tünzalə xanımın sayəsində qadınlarda maraq yarandı. Hər çəki atıb "şam kimi əriyirdi". Hər gün də məndən danışırdı".

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.