İdman

Keçmiş "Formula-1" pilotu saxlanıldı

30 Noyabr 2025 12:12
Baxış: 914
VTB-də minimal faiz dərəcəsi ilə nağd kredit 9.9%-dən
#DƏLƏDUZLUQ #FORMULA 1 #F1

"Formula-1"in keçmiş pilotu Adrian Sutil dələduzluqda və mənimsəmədə şübhəli bilinərək Almaniyanın Ştutqart şəhərində saxlanılıb.

Milli.Az oxu.az-a istinadən xəbər verir ki, bu barədə "Bild" məlumat yayıb.

İşin təfərrüatı hələlik məlum deyil. Qeyd olunur ki, noyabrın 27-də üç ünvanda - Monakoda, İsveçrədə və 42 yaşlı Sutilin saxlanıldığı Ştutqartda axtarışlar aparılıb:.

Məlumata görə, son vaxtlar Sutil İsveçrədə yaşayıb və lüks avtomobillərin satışı ilə məşğul olub.

Xatırladaq ki, 2011-ci ildə də Sutil hücuma görə 18 aylıq şərti cəza və 200 000 avro məbləğində cərimə olunmuşdu. Çin Qran-prisindən sonra gecə klubunda mübahisə zamanı o, Lüksemburq biznesmeni və "Lotus-Renault"nun şəriklərindən biri olan Erik Lyuksun boynuna stəkanla vurub ciddi xəsarət yetirmişdi.

Qeyd edək ki, Sutil "Formula-1"də 2007-2011 və 2013-2014-cü illərdə "Spyker", "Force India" və "Sauber" komandalarının tərkibində çıxış edib. Ümumilikdə o, 128 Qran-pri iştirak edib və 124 xal toplayıb, lakin heç vaxt podiumda yer almayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.