İdman

"Qalatasaray" dünya ulduzunu transfer edir - onun üçün İtaliyaya getdilər

9 Oktyabr 2025 13:35

Baxış: 8 146

VTB-də minimal faiz dərəcəsi ilə nağd kredit 9.9%-dən

#TRANSFERLƏR #QALATASARAY #İNTER #FUTBOL

A Seriyasında "İnter" klubunun formasını geyinən Türkiyə millisinin ulduzu Hakan Çalhanoğlu möhtəşəm çıxışı ilə diqqət mərkəzinə düşüb.

Milli.Az Türkiyə mətbuatına istinadən xəbər verir ki, 31 yaşlı yarımmüdafiəçinin adı yay transfer dönəmində həm "Fənərbağça", həm də "Qalatasaray"la ciddi şəkildə hallanmışdı. İndi isə bu məsələ yenidən aktuallaşıb.

Məlumata görə, "Qalatasaray" rəhbərliyi Hakan Çalhanoğlunun transferi üçün bir daha hərəkətə keçib. Klubun rəhbərlərindən Abdullah Kavukcu və baş məşqçi Okan Buruk komandanın məşqinə fasilə verdikdən sonra Milana yollanıblar. Onlar orada məşhur restoran sahibi Nusretin məkanında görüş keçiriblər. Bildirilir ki, Türkiyə millisinin düşərgəsinə qatılmadan əvvəl Hakan Çalhanoğlu da həmin restoranda olub və tərəflər arasında söhbət baş tutub.

İddiaya görə, yayda aparılan danışıqlar yenidən başlayıb. "Sarı-qırmızılar" bu dəfə transfer əməliyyatını qış fasiləsində yekunlaşdırmaq niyyətindədir. Hakan Çalhanoğlu tərəfi ilə daha əvvəl heç bir problem yaşanmadığı, lakin "Fənərbağça"nın araya girməsi ilə vəziyyətin mürəkkəbləşdiyi bildirilir. O vaxt "İnter" klubunu razı sala bilməyən "Qalatasaray" bu dəfə italiyalı təmsilçini razı salmaq üçün yeni yollar axtarır.

Tural
Milli.Az