Keçmiş NBA oyunçusu Ben McLemore 8 il 4 ay müddətinə həbs cəzası alıb.
Milli.Az xəbər verir ki, o, 2021-ci ildə Oswego gölündə keçirilən ev şənliyində 21 yaşlı qadına qarşı cinsi təcavüz və zorlamada təqsirli bilinib.
Məhkəmənin münsiflər heyəti McLemore-u birinci dərəcəli zorlama, qeyri-qanuni cinsi nüfuz və ikinci dərəcəli cinsi istismar ittihamları üzrə günahkar sayıb. O, bu maddələrin heç birinə görə özünü təqsirli bilmədiyini desə də, məhkəmə hökmünü elan edib. Məhkəmə zalında o, ifadə verməyib.
Qeyd edək ki, Ben McLemore 2013-cü ildə NBA-ya daxil olub və 9 mövsüm ərzində beş fərqli komandada çıxış edib. NBA-dan ayrıldıqdan sonra isə Çin, Yunanıstan və İspaniyada oynayıb.
Fidan
Milli.Az