İdman

Türkiyə futbolunda rekord transfer - "Qalatasaray" fantastik məbləğ ödəyəcək - FOTO

7 May 2025 13:15

Baxış: 1 140

VTB-də minimal faiz dərəcəsi ilə nağd kredit 10.49%-dən

#İDMAN #QALATASARAY #FUTBOL

Türkiyə futbolunda tarixi bir transferə imza atmağa hazırlaşan "Qalatasaray" Nigeriya millisinin və "Napoli"nin ulduz hücumçusu Viktor Osimhen üçün bütün sponsor dəstəklərini təmin edib.

Milli.Az xəbər verir ki, Super Liqa təmsilçisi Osimhenin "Bəli" deməsini gözləyir. Bu baş verdiyi təqdirdə, "sarı-qırmızılılar" 66 milyon avroluq ödənişi "Napoli"yə göndərərək Türkiyə futbol tarixində ən bahalı transferə imza atacaq.

Məlumata görə, mövsümün əvvəlində tərəflər arasında 9 milyon avro dəyərində ilkin kredit müqaviləsi bağlanıb. Bu transferin ümumi məbləği 75 milyon avroya yaxınlaşsa da, əsas hissəsi olan 66 milyon avro "Qalatasaray" tərəfindən ödənəcək.

"Qalatasaray" rəhbərliyi Osimhenə xüsusi bir təkliflə müraciət edib:

"Çempionlar Liqasında bizimlə oyna, bir il də burada qal. Əgər istəsən, növbəti mövsüm Avropanın böyük klublarına transfer olmağına şərait yaradarıq" .

Klub ulduz futbolçuya yalnız maliyyə deyil, karyera baxımından da cazibədar bir plan təqdim edir.

Osimhenə Səudiyyə Ərəbistanının "Əl-Hilal" klubu tərəfindən rəsmi təklif gəlsə də, futbolçu bu seçimi qəti şəkildə rədd edib. Onun yaxın ətrafı bildirir ki, Osimhen üçün "Qalatasaray"ın layihəsi, daha yüksək təkliflərə baxmayaraq, daha cəlbedici və perspektivlidir. İddialara görə, "Yuventus"un da futbolçu ilə maraqlandığı, lakin Osimhenin bu istiqamətə isti baxmadığı məlum olub.

Əgər bu transfer baş tutarsa, "Qalatasaray" təkcə Super Liqa deyil, həm də Avropa futbol bazarında böyük səs-küyə səbəb olacaq bir addım atmış olacaq.

Fidan
Milli.Az