İdman

Ronaldonun Corcinası nəhəng “nişan üzüyünü” nümayiş etdirdi - FOTO

19 Aprel 2025 13:36

Baxış: 1 901

VTB-də minimal faiz dərəcəsi ilə nağd kredit 9.9%-dən

#MARAQLI #MƏŞHURLAR #KRİŞTİANU RONALDU #FUTBOL #MODEL

Kriştiano Ronaldonun sevgilisi Corcina Rodrigez sosial mediada paylaşdığı nəhəng üzüyü ilə gündəmə gəlib.

Milli.Az xarici mətbuata istinadən xəbər verir ki, 31 yaşlı model "Instagram" hesabında böyük, şəffaf daşla bəzədilmiş üzüyün şəklini paylaşaraq ərəb dilində "Və bizi şərdən uzaq tut, Amin" sözlərini yazıb. Bu sözlər eyni zamanda onun əlində döymə kimi də var.

Baxmayaraq ki, paylaşımda nişan üzüyü açıq şəkildə nümayiş olunur, cütlüyün rəsmi olaraq nişanlanmadığı bildirilir. Hətta bir neçə həftə əvvəl Ronaldo "Netflix"də yayımlanan sənədli filmində hələ evlənməməsinin səbəblərindən danışıb.

40 yaşlı ulduz futbolçu demişdi:

"Hər zaman ona deyirəm: 'O klik gələndə'. Həyatımızdakı hər şey kimi, o da bir anda baş verəcək və o, nəyi nəzərdə tutduğumu yaxşı bilir. Bu, bir ilə də ola bilər, altı aya da, bir aya da. Mən 1000% əminəm ki, bu olacaq."

Bldirək ki, cütlük 2016-cı ildən birlikdədir və onların Alana (7 yaş) və Bella (2 yaş) adlı iki övladı var. Circina həmçinin Ronaldonun digər üç övladına da analıq edir.

Rodriguez öz "I Am Georgina" adlı realiti şousunda dostlarının ona tez-tez "Toy nə vaxtdır?" deyə zarafat etdiklərini də etiraf edib.

Model deyib:

"Ceylonun 'The Ring' mahnısı çıxandan bəri, mənə onu oxuyurlar. Amma bu mənim qərarım deyil".

Ronaldo hər nə qədər rəsmi nikah olmasa da, tez-tez Corcinanı "həyat yoldaşım" kimi təqdim edir. 2024-cü ilin dekabrında Dubayda keçirilən "Globe Soccer Awards" mərasimində belə demişdi:

"Bu mükafatı almaq böyük şərəfdir. Böyük oğlum burdadır, həyat yoldaşım burdadır".

Hal-hazırda Ronaldo Səudiyyə Ərəbistanının "Al-Nassr" klubunda çıxış edir və ailəsi ilə birlikdə paytaxt Ər-Riyadda yaşayır.

Hüseyn
Milli.Az