PUL
.jpg)
.jpg)
Futbol üzrə I Liqada mübarizə aparan Mərkəzi Ordu İdman Klubunun (MOİK) adı dəyişdirilir.
Milli.Az xəbər verir ki, komanda yaxın zamanlarda rəsmən "Ordu" adlandırılacaq.
Bu gün "hərbçilər" "İmişli"yə qarşı səfər matçına yeni ad və formada çıxıblar. Komanda üzvləri ilk dəfə üzərinə "Ordu" yazılmış formada görüntüləniblər. Ancaq rəsmi prosedurlar başa çatmadığından, klub I Liqada hələ də MOİK adı altında çıxışını davam etdirir.
Bundan başqa, rəhbərlik klubun rənglərini və loqosunu da dəyişdirmək qərarına gəlib. MOİK İmişlidə ənənəvi ağ-qırmızı deyil, ağ-qara rəngli forma geyinib.
Yeri gəlmişkən, Azərbaycan Basketbol Liqasında da bu mövsümdən etibarən "Ordu" adlı klub mübarizə aparır.
Qeyd edək ki, 1961-ci ildə yaradılan MOİK əksər hallarda I Liqada qüvvəsini sınayıb. Komanda Premyer Liqadakı bir neçə cəhd zamanı ciddi uğura nail ola bilməyib. /Offsideplus.az
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
