İdman

Millimiz məğlub oldu - YENİLƏNİB

25 Mart 2025 23:40

Baxış: 1 767

VTB-də minimal faiz dərəcəsi ilə nağd kredit 10.49%-dən

#AZƏRBAYCAN FUTBOLU #BELARUS #FUTBOL

Azərbaycan millisi yoldaşlıq görüşündə Belarusa məğlub olub.

Masazırdakı "Bank Respublika Arena"da keçirilən matç rəqib komandanın 2:0 hesablı qələbəsi ilə yekunlaşıb.

Qolları Pavel Zabelin (59) və Nikita Demçenko (78) Azərbaycan yığmasının qapısından keçirib.

Qeyd edək ki, Fernandu Santuşun rəhbərlik etdiyi kollektiv martın 22-də Haitiyə də məğlub olmuşdu - 0:3.

-----

23:06

Azərbaycan - Belarus matçında hesab açılıb.

Pavel Zabelin 59-cu dəqiqədə Belarus millisini önə çıxarıb - 1:0.

Masazırdakı "Bank Respublika Arena"da keçirilən matçı gürcüstanlı hakim Aleko Aptsiauri idarə edir.

-----

Bu gün milli komandamız növbəti yoxlama oyununu keçirəcək.

Milli.Az Trend-ə istinadən bildirir ki, Fernandu Santuşun çalışdırdığı kollektiv Bakıda Belarusla üz-üzə gələcək.

Bu, Azərbaycan millisinin 2025-ci ildə ikinci yoxlama görüşü olacaq. Martın 22-də Sumqayıtda Haiti ilə üz-üzə gələn yığmamız rəqibinə 0:3 hesabı ilə uduzub.

Belarus isə sonuncu yoldaşlıq görüşünü martın 21-də səfərdə Tacikistana qarşı keçirib və 5:0 hesablı qələbə qazanıb.

Milli komandamız bu gün ilk dəfə "Bank Respublika Arena"da meydana çıxacaq.

Yoxlama oyunu

25 mart

21:45. Azərbaycan - Belarus

Hakimlər: Aleko Aptsiauri, Davit Axvlediani, Davit Qabisonia (Gürcüstan)

Dördüncü hakim: Tural Qurbanov (Azərbayan)

"Bank Respublika Arena".

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ