İdman

NBA tarixinin ən kök basketbolçusu ÖLDÜ - FOTO

13 Mart 2025 14:08

Baxış: 1 460

VTB-də minimal faiz dərəcəsi ilə nağd kredit 9.9%-dən

#BASKETBOL #NBA #İDMANÇI

Amerika Milli Basketbol Assosiasiyasının (NBA) tarixində ən ağır çəkili oyunçusu kimi tanınan Oliver Miller 54 yaşında xərçəng xəstəliyindən vəfat edib.

Milli.Az xəbər verir ki, bu barədə haber global məlumat yayıb.

Phoenix Suns, Detroit Pistons, Toronto Raptors, Dallas Mavericks, Sacramento Kings və Minnesota Timberwolves klublarında çıxış edən Miller "Big O" ləqəbi ilə tanınırdı. 2.06 metr boyunda olan basketbolçu karyerasına 127 kiloqram çəki ilə başlasa da, zamanla bu göstərici 170 kiloqramı ötüb.

Miller NBA karyerası ərzində orta hesabla 7.4 xal, 5.9 ribaund, 2.2 asist və 1.5 blok göstəricisi ilə çıxış edib. 1992-ci il NBA draftında Phoenix Suns tərəfindən 22-ci sıradan seçilən oyunçu ümumilikdə 9 mövsüm ərzində 493 oyunda iştirak edib. Həmin draftın birinci seçimi isə əfsanəvi Şakil O'Nil olub.

NBA karyerasından sonra Miller Yunanıstan, Polşa, Puerto-Riko və Çin basketbol liqalarında da çıxış edib. 2010-cu ildə Minnesota Timberwolves komandası ilə NBA-yə qayıtdıqdan sonra isə karyerasını başa vurub.

Basketboldan sonra şəxsi həyatında çətinliklərlə üzləşən Miller, 2012-ci ildə sevgilisinin qardaşını silahla yaraladığı üçün bir il həbs cəzası almışdı.

Millerin vəfatı basketbol dünyasında dərin kədər doğurub. Onun adı həm çəkisi, həm də meydandakı bacarığı ilə NBA tarixində xüsusi yer tutacaq. /BAKU.WS

Milli.Az