PUL
.png)
.jpg)
"Transfermarkt" portalı İspaniya çempionatında mövsümün ilk yarısına əsasən oyunçuların bazar dəyərini yeniləyib.
Milli.Az xarici mediaya istinadən xəbər verir ki, ən çox dəyər itirən oyunçular arasında "Real Madrid"in beş futbolçusu diqqət çəkir. Onlardan biri Kilian Mbappe olub. Fransız ulduzun transfer qiyməti 20 milyon avro azalaraq hazırda 160 milyon avro təşkil edir. Digər oyunçular arasında Orelyen Çuameni (80 milyon avro), Eduardu Kamavinqa (80 milyon avro), Eder Militao (40 milyon avro) və Endrik (40 milyon avro) yer alıb.
Qeyd edək ki, Mbappe bu ilin iyul ayında "Real Madrid" ilə müqavilə imzalayıb. 26 yaşlı hücumçu yeni klubunda keçirdiyi 23 oyunda 13 qol vurub və 3 məhsuldar ötürmə edib.
Digər tərəfdən, "Barselona"nın gənc oyunçuları Lamin Yamal və Pau Kubarsinin bazar dəyəri artaraq müvafiq olaraq 180 milyon və 70 milyon avroya çatıb. Lamin Yamalın qiyməti 30 milyon avro artaraq Mbappeni dünyanın ən bahalı dörd futbolçusu sırasından çıxarıb.
Hazırda dünyanın ən bahalı futbolçuları arasında Vinisius Junior ("Real Madrid") və Erlinq Holand ("Mançester Siti") 200 milyon avro, Lamin Yamal və Cud Bellinqem ("Real Madrid") isə 180 milyon avro dəyərində qiymətləndirilir.
Fidan
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
