İdman

"Real" vuran ayağını itirdi - bu il oynamayacaq

11 Dekabr 2024 13:43

Baxış: 3 107

VTB-də minimal faiz dərəcəsi ilə nağd kredit 9.9%-dən

#ÇEMPİONLAR LİQASI #REAL MADRİD #FUTBOL #REAL

"Real Madrid"in ulduz futbolçusu Kilian Mbappe zədələnərək sıradan çıxıb.

Milli.Az Türkiyə mediasına istinadla bildirir ki, ötən gecə Çempionlar Liqasının 6-cı turu çərçivəsində "Atalanta" ilə oyununda (3:2) hücumçu zədə alıb. Bu səbəbdən onun 2024-cü ilin qalan hissəsində oynamayacağı məlumatlar sırasındadır.

Bu mövsüm bütün turnirlərdə 21 oyuna 11 qol vurub, 2 məhsuldar ötürmə edən Mbappenin zədəsi yüngül olsa belə, "Rayo Valyekano" ilə növbəti çempionat oyununu və 18 dekabrda Qitələrarası Kubok finalını buraxması ehtimalı qüvvətlidir.

Daha ciddi xarakterli zədə isə fransalının dekabrın 22-də keçiriləcək "Sevilya" ilə matçı buraxmasına səbəb olacaq.

Qeyd edək ki, qarşılaşma zamanı zədə alan futbolçular Mbappe və Vinisius axsayaraq meydandan çıxıblar.

Tural
Milli.Az