Karate müəllimi qız tələbələrini əxlaqsız videoya baxmağa məcbur edibmiş - YENİLƏNİB

Bakının Yasamal rayonu ərazisində yerləşən "İnci" tədris mərkəzinin karate müəllimi Tərlan Cavadovun həbsinin detalları üzə çıxıb.

Milli.Az qafqazinfo-ya istinadən xəbər verir ki, tanınmış idman ustası mərkəzdə idman dərslərində iştirak edən 15-16 yaşlı 3 qızın valideynlərinin şikayəti əsasında həbs edilib. Onun barəsində Cinayət Məcəlləsinin 153-cü (On altı yaşına çatmayan şəxsə qarşı əxlaqsız hərəkətlər) maddəsi ilə cinayət işi açılıb.

İlkin araşdırmalar zamanı müəyyən edilib ki, Tərlan Kamalpaşa oğlu Cavadov karate dərsi keçdiyi 3 yeniyetmə qızı (2008, 2009, 2009-cu il təvəllüdlü) əxlaqsız videoya baxmağa məcbur edib. Hadisə mərkəzin idman zalında baş verib. Daha sonra qızlar baş verənlər barədə yaxınlarına bildiriblər və polisə müraciət edilib.

Xatırladaq ki, ötən gün T.Cavadova Cinayət Məcəlləsinin 152-ci (16 yaşına çatmayan şəxslə əxlaqsızlıq etmə) maddəsi ilə ittiham irəli sürülməsi barədə məlumatlar yayılmışdı. Lakin bu, təsdiqini tapmayıb.

Hazırda cinayət işi üzrə araşdırmalar davam etdirilir.

2024.09.08

Bakıda həbs edilən tanınmış karate müəllimi Tərlan Cavadovun nədə ittiham edildiyi məlum olub.

Milli.Az report-a istinadən xəbər verir ki, T.Cavadov yetkinlik yaşına çatmayan şəxslə münasibətdə şübhəli bilinir.

Zərərçəkmişin onun yetirməsi olduğu bildirilir. Azyaşlının valideynləri tərəfindən Yasamal Rayon Polis İdarəsinə müraciət daxil olub. Polis tərəfindən müraciət dərhal araşdırılıb və T.Cavadov saxlanılıb. Ona Cinayət Məcəlləsinin 152-ci (on altı yaşına çatmayan şəxslə münasibətdə olma) maddəsi ilə ittiham irəli sürülüb.

Yasamal Rayon Məhkəməsi tərəfindən karate müəllimi barəsində həbs qətimkan tədbiri seçilib.

Qeyd edək ki, T.Cavadov uzun illərdir karate üzrə yetirmələr hazırlayır.

-------------
13:18

Tanınmış karate müəllimi Tərlan Cavadov həbs edilib.

Milli.Az xəbər veri ki, oxu.az-ın əldə etdiyi məlumata görə, o, Yasamal Rayon Polis İdarəsi tərəfindən saxlanılıb.

İlkin ehtimala görə, o, tələbəsi ilə arasında yaşanan insident səbəbindən saxlanılıb.

Qeyd edək ki, T.Cavadov uzun illərdir karate üzrə tələbə hazırlayır.

Milli.Az
Xəbərlərimizi WhatsApp kanalımızdan da oxuyun