İdman

Parisdə Olimpiya zəfərimiz belə qeyd olundu - FOTO

2 Avqust 2024 10:38

Baxış: 2 108

VTB-də minimal faiz dərəcəsi ilə nağd kredit 9.9%-dən

#İDMAN

Parisdə Olimpiya Evində idmançılarımızın qələbəsinə həsr olunmuş görüş keçirilib - FOTO
XXXIII Yay Olimpiya Oyunları çərçivəsində Parisdə fəaliyyət göstərən Olimpiya Evində avqustun 1-də Azərbaycan idmançılarının qələbəsinə həsr olunmuş görüş təşkil olunub.

Milli.Az İdman.Biz-ə istinadən bildirir ki, tədbirdə gənclər və idman naziri Fərid Qayıbov, nazir müavini Mariana Vasileva, rəqəmsal inkişaf və nəqliyyat naziri Rəşad Nəbiyev, Milli Olimpiya Komitəsinin vitse-prezidenti Çingiz Hüseynzadə, baş katibi Azər Əliyev, Azərbaycan Respublikasının Fransadakı Fövqəladə və Səlahiyyətli Səfiri Leyla Abdullayeva, Azərbaycan Respublikasının UNESCO yanındakı daimi nümayəndəsi Elman Abdullayev, Olimpiya və dünya çempionları, Olimpiadada ölkəmizi təmsil edən idmançılar, məşqçilər, media nümayəndələri, müxtəlif ölkələrin nümayəndələri və digər şəxslər iştirak ediblər.

Tədbirdə XXXIII Yay Olimpiya Oyunlarının çempionları - cüdoçularımız Hidayət Heydərov və Zelim Kotsoyev böyük sevinc və alqışlarla qarşılanıb, qələbələri münasibətilə təbrik ediliblər.

Tədbirin bədii hissəsində gənc müğənni Mərdan Bandın ifasında müxtəlif, bir-birindən maraqlı Azərbaycan musiqiləri səsləndirilib.

Milli.Az
Xəbərlərimizi WhatsApp kanalımızdan da oxuyun