İdman

“Sabah”ın yeni baş məşqçisi məlum oldu

5 Mart 2024 12:27

Baxış: 904

#İDMAN #FUTBOL #SABAH FK

"Sabah"da yeni baş məşqçi təyinatı rəsmiləşib.

Milli.Az xəbər verir ki, klubdan İdman.Biz-ə verilən məlumata görə, xorvatiyalı məşqçi Krunoslav Renduliçlə 1,5 illik müqavilə bağlanıb.

Renduliç məşqçi karyerası ərzində İranın "Fulad" (2014-2016) və bu ölkənin əsas milli komandasında (2022) köməkçi məşqçi, həmçinin Xorvatiyanın "İstra 1961" (2018/19), "Şibenik" (2019-2021), "Qoritsa" (2021-2022), Bosniya və Herseqovinanın "Zrinski" (2022-2023) klublarında baş məşqçi kimi çalışıb.

Xorvatiyalı məşqçi "Zrinski" ilə Bosniya və Herseqovina çempionluğunu və kubokunu qazanıb (2022/2023), bu klubu UEFA Konfrans Liqasının qrup mərhələsinə çıxarıb (2023/2024).

Qeyd edək ki, "Sabah"ın əvvəlki baş məşqçisi rusiyalı Murad Musayev fevralın 1-də istefa verib. Onun postundan ayrılmasından sonra komandaya müvəqqəti İqor Ponomaryov rəhbərlik edib, oyunlara öncə Rəşad Eyyubov, sonra Ruslan Qafitullin çıxarıb.

Milli.Az

Xəbərlərimizi WhatsApp kanalımızdan da oxuyun