İdman

“Neftçi” “Səbail”in seriyasına son qoydu

20 Oktyabr 2023 22:42
Baxış: 853
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

Futbol üzrə Azərbaycan Premyer Liqasında X tur davam edir.

Milli.Az report-a istinadən xəbər verir ki, ilk gündə daha bir oyun keçirilib.

Birinci dövrədə uğurlu nəticələr əldə edən "Səbail" öz meydanında çempionatın iddialı komandalarından "Neftçi" ilə üz-üzə gəlib. Matçda hesabı erkən qolla meydan sahibləri açıblar. 2-ci dəqiqədə David Qomis fərqlənib. Lakin cəmi 10 dəqiqə sonra "status-kvo" bərpa edilib. Azər Əliyevin zərbəsi qarşısıalınmaz olub. "Neftçi" fasilə ərəfəsində önə keçməyi də bacarıb. 45-3-cü dəqiqədə Ataa Caber "ağ-qaralar"ın ikinci qolunun müəllifi olub.

Qarşılaşmanın sonluğu daha drammatik alınıb. Əvvəlcə 79-cu dəqiqədə "Səbail"in ən sərrast oyunçusu Aleksandr Ramalinqom hesabı bərabərləşdirib. Lakin qəsəbə təmsilçisinin sevinci uzun sürməyib. Əvvəlcə 87-ci dəqiqədə Yuri Matias dəqiq baş zərbəsi ilə "Neftçi"ni yenidən önə keçirib. Son nöqtəni isə 90+4-cü dəqiqədə Rəhman Hacıyev qoyub. Onun qolu "Neftçi"yə 4:2 hesablı qələbə qazandırıb.

Bu nəticə ilə xal ehtiyatını 15-ə çatdıran "ağ-qaralar" turnir cədvəlində 4-cü pilləyə yüksəliblər. 6 oyunluq məğlubiyyətsizlik seriyası qırılan "dənizçilər" isə 17 xalla 3-cü sırada qalıblar.

Qeyd edək ki, turun açılış oyununda "Turan Tovuz"la "Qarabağ" qollu (2:2) bərabərə qalıblar. "Kəpəz" - "Zirə", "Sabah" - "Sumqayıt" matçları oktyabrın 21-də, "Qəbələ"- "Araz-Naxçıvan" görüşü isə 22-də keçiriləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.