İdman

“Qarabağ” “Sabah”ı iki cavabsız qolla məğlub etdi

17 Sentyabr 2023 21:46

Baxış: 1 552

VTB-də minimal faiz dərəcəsi ilə nağd kredit 9.9%-dən

#FUTBOL

Azərbaycan Premyer Liqasında VI tura yekun vurulub.

Milli.Az report-a istinadən xəbər verir ki, mərkəzi oyunda çempionla vitse-çempion üz-üzə gəliblər.

"Qarabağ" Tofiq Bəhramov adına Respublika stadionunda qızıl medallar uğrunda mübarizədə əsas rəqiblərindən olan "Sabah"ı qəbul edib.

Qarşılaşmanı üstün keçirən ağdamlılar ikinci hissədə vurduqları qollar sayəsində 2:0 hesablı qələbə qazanıblar. 56-cı dəqiqədə Olavio Juninyo hesabı açıb. 88-ci dəqiqədə isə Hamidu Keyta görüşdə son nöqtəni qoyub.

Qələbə sayəsində "Qarabağ" xallarının sayını 10-a yüksəldib. Son sıralarda qərarlaşan "Sabah"ın isə hesabında 4 xal var.

Turun əvvəlki oyunlarında "Zirə" "Sumqayıt"ı, "Araz-Naxçıvan" "Neftçi"ni 1:0, "Səbail" "Kəpəz"i 3:0 hesabı ilə məğlub edib, "Turan Tovuz"la "Qəbələ" bərabərə (2:2) qalıblar.

Qeyd edək ki, Premyer Liqada VII turun matçları 23-25 sentyabr aralığında keçiriləcək.

Milli.Az