İdman

"Qarabağ" sanki avrokubok oyununa çıxmışdı" - Okan Buruk

26 Mart 2023 23:20
Baxış: 1 583
VTB-də minimal faiz dərəcəsi ilə nağd kredit 9.9%-dən
#İDMAN

"Evimizə gəlmiş kimi olduq. Bu stadionda bu şəhərdə möhtəşəm qarşılandıq. Əsas məqsəd Türkiyədə baş verən zəlzələdə zərərçəkənlərə yardım etmək idi".

Milli.Az qol.az-a istinadən xəbər verir ki, bu sözləri "Qalatasaray"ın baş məşqçisi Okan Buruk deyib. O, Bakıda "Qarabağ"la keçirdikləri xeyriyyə oyunu (2:1) haqda danışıb.

Mütəxəssis qeyd edib ki, qələbə qazandıqları üçün xoşbəxtdirlər: "Çox gözəl futbol gecəsi oldu. Hər kəsə təşəkkür edirəm. Xüsusilə, "Qarabağ" daha diqqətli və hazır idi. Heyətdə rotasiyalar etmişdik. Bəzi oyunçular şans qazanmırdı. Qələbə qazandığımız üçün xoşbəxtik. Sizinlə birlikdə olmaqdan daha çox şadıq".

Çalışdırıcı Ağdam təmsilçisi ilə dostluqlarının davam edəcəyini deyib: "Şəhərə gec gəldik. Çətinliklər bizi belə oyundan məhrum etmədi. Əsas burada birlikdə olduğumuzu göstərmək idi. Bu, başlanğıc idi. "Qarabağ"la olan dostluğumuz davam edəcək. "Qarabağ" Türkiyəyə gələcək, biz Bakıya. Burada möhtəşəm atmosfer var idi. Burada olduğum müddətdə tez-tez belə oyunların keçirilməsini istəyəcəyəm".

Buruk bildirib ki, "Qarabağ"ın yaxşı baş məşqçisi və futbolçuları var: "Bu gün bir neçə futbolçu ön plana çıxdı. "Qarabağ"ı bəyəndim. Yaxşı komandadır və yaxşı baş məşqçiləri var. Oyuna yaxşı hazırlaşmışdılar, sanki avrokubok matçına çıxmışdılar. Biz belə diqqətcil ola bilmədik".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.